ق.جاماليەۆتىڭ توقالى ءالىبي جۇماعۇلوۆپەن ارا قاتىناسى تۋرالى ايتتى

استانا. قازاقپارات - جاقىندا اتىشۋلى «ءالىبي ءىسى» اياقتالىپ، كاسىپكەر قايرات جاماليەۆ 13 جىلعا باس بوستاندىعىنان ايىرىلعان بولاتىن.
None
None

اتالعان ىستەگى باستى كەيىپكەرلەردىڭ ءبىرى، قايرات جاماليەۆتىڭ توقالى اينۇر يسينا سۇحبات بەرىپ، ءبىراز جايتتىڭ باسىن اشتى.

بۇل تۋرالى ztb.kz سايتىنا سىلتەمە جاساپ NUR. KZ حابارلايدى.

«مەن داۋلەتتى وتباسىندا دۇنيەگە كەلدىم. جوعارى ەكونوميكالىق ءبىلىمىم بار. قىزىل ديپلومدى ماگيسترمىن. جاسىم 26 دا. ءوزىم مۇلدە قالاماسام دا، ەلگە اتىم شىعىپ كەتتى. مەن، اعام جانە اپكەم وتە جاقسى، تاربيەلى جانۇيادا وستىك. مەنىڭ جاقىندا 5 جاسقا تولاتىن ۇلىم ءوسىپ كەلەدى. ۇلىم وزىمە وتە جاقىن بولعاندىقتان، ەشقانداي دا تاربيەشى جالداماي، ءسابيىمدى ءوزىم تاربيەلەدىم. ول بۇگىندە بالالار باقشاسىنا بارىپ ءجۇر»، - دەيدى اينۇر يسينا.

سۇحبات بارىسىندا اينۇر يسينا ءوزىنىڭ قايرات جاماليەۆپەن ارا قاتىناسى تۋرالى ايتتى.

«قايرات تۋرالى ايتۋ ءۇشىن ونىمەن بىرگە تۇرىپ، ونىڭ قانداي جان ەكەنىنە كوز جەتكىزۋ كەرەك. ول وتە ساۋاتتى جانە جاۋاپكەرشىلىگى مول ادام. قايراتتىڭ جاقسىلىعىن بىلگىڭىز كەلسە، ول كومەكتەسكەن بالالار ءۇيىنىڭ تاربيەشىلەرىمەن تىلدەسىڭىز. قانداي ادام ەكەنىن ايتىپ بەرەدى. ول -  ناعىز ەركەك. ول ەشقاشان دا بوساڭسىعان ەمەس، ۇنەمى ەڭبەك ەتىپ جۇرەدى»، -  دەيدى اينۇر.

سونىمەن قاتار، ول كىشكەنتاي ۇلىنىڭ اكەسىن ساعىنىپ جۇرگەنىن دە جاسىرمادى.

«ۇلىم اكەم قايدا دەپ كوپ سۇرايدى. الىس قالاعا كەتتى، جاقىندا كەلەدى دەپ الداپ قويامىن. ءتىپتى، اكەسىن ىزدەپ، ءسال نارسەگە اشۋلانىتىندى شىعاردى. مەن بۇل تۋرالى ايتقىم كەلمەيدى. قايرات ءوز بالالارىن وتە جاقسى كورەدى»، - دەيدى ول.

ول قايرات جاماليەۆ قاماۋعا الىنعالى بەرى ونىمەن كەزدەسپەگەنىن، قاتتى ساعىنىپ جۇرگەنىن ايتقان. سونداي- اق، ءالىبي جۇماعۇلوۆپەن قالاي تانىسقانىن دا باياندادى.

«الىبيمەن مۇلدە تانىسقىم كەلگەن جوق. قۇربىممەن كوفەحانادا وتىرعانىمدا، مەنىڭ مازامدى الىپ، تانىسقىسى كەلەتىنىن ايتتى. ورنىمنان تۇرىپ كەتكەندە، ۇيالى تەلەفونىمنان وزىنە تەلەفون سوعىپ، ءنومىرىمدى ءبىلىپ العان. وسىدان سوڭ ول قىر سوڭىمنان قالعان جوق. الدىمەن ءوزىن الحان دەپ تانىستىردى. تۇلدىر جەتىم ەكەنىن، كوشەدە تۇنەيتىنىن ايتتى. كەيىن سەنىمگە كىرىپ العان سوڭ، قايرات تۋرالى اڭگىمە ايتا باستادى. وسىدان سوڭ، تالاي رەت تەلەفوندى كوتەرمەسەم دە، باسقا نومىردەن تەلەفون شالۋىن توقتاتقان جوق. ول ناعىز وتىرىكشى. ەكى ادامدى قالاي ولتىرگەنى تۋرالى ەلدىڭ بارىنە ايتىپ بەرگەن شىعار. وسىلاي ءوزىن كۇشتى قىلىپ كورسەتپەك بولادى. مەنىڭ الىبيمەن ارا قاتىناسىم بولعان ەمەس. ال جىنىستىق قاتىناس تۋرالى مۇلدە ايتپاساق تا بولادى. ءالىبي اكەسى ەكەۋى الەۋمەتتىك جەلىنى پايدالانىپ، حالىقتىڭ سەنىمىنە ابدەن كىرىپ الدى»، - دەيدى اينۇر.

ءسوز سوڭىندا اينۇر يسينا قالايدا قايرات جاماليەۆتىڭ بوساپ شىعۋىنا كۇش سالاتىنىن ايتقان.

دەرەككوز: NUR. KZ

سوڭعى جاڭالىقتار