الەمدەگى قۇراننىڭ ەڭ ەجەلگى نۇسقاسى تابىلدى

«ناقتى مالىمەتتەر جوقتىڭ قاسى. ءبىراق، بۇل كىتاپ موڭعول پاتشاسى زامانىنا ءتان دەپ ايتا الامىز. مەن قۇراننىڭ كونە نۇسقالارىنىڭ كوپتەگەن ءتۇرىن كوردىم. ءبىراق، ءدال وسىنداي ەجەلگى ءداۋىر قۇرانىن كەزدەستىرمەدىم» ، دەيدى پروفەسسور شەيح ءالي.
الەمدەگى قۇراننىڭ ەڭ ەجەلگى نۇسقاسى ءۇندىستاننىڭ كارناتاكا شتاتىنان تابىلدى.
قۇقىققورعاۋ ورگانى وكىلدەرىنىڭ ارنايى وپەراتسياسى بارىسىندا تابىلعان قۇران كىتابى وسىدان 400 جىلداي بۇرىن ءومىر سۇرگەن مونعولدىڭ ۇلى باسشىسى اكبار داۋىرىنە تيەسىلى دەگەن بولجام ايتىلۋدا.
410 جىلدىق تاريحى بار كونە قۇران ءۇندىستان تاريحىنداعى ەڭ ەجەلگى جادىگەر كوزىنە جاتادى. قىلمىستىق توپتى قۇرىقتاۋ كەزىندە پوليتسيا قىزمەتكەرلەرى تاركىلەگەن قۇران كىتابى استىرتىن تۇردە حايدارابادەدە 777000 ا ق ش دوللارىنا ساتىلماق بولعان ەكەن.
پوليتسيا ساتىپ الۋ وپەراتسياسىن ۇيىمداستىرىپ، ناتيجەسىندە قىلمىسكەرلەر قولعا ءتۇسىپ، قولجازبا تاركىلەندى. تاريحشى عالىمدار 604 بەتتىك قۇراندى «تاريحي ونەر تۋىندىسى» دەپ باعالادى.
NUR. KZ