15:32, 17 - تامىز 2015 | GMT +5
جاس انالار اراسىندا ەرتەگى ايتۋدان بايقاۋ ءوتتى
استانا. قازاقپارات - جاس انالار اراسىندا ەرتەگى ايتۋدان بايقاۋ ءوتتى «نۇر وتان» پارتياسىنىڭ اتىراۋ وبلىستىق «جاس وتان» جاستار قاناتى فيليالىنىڭ ۇيىمداستىرۋىمەن جاس انالار اراسىندا «ەرتەگى ءسابي تاربيەسىنىڭ باستاۋى!» اتتى وبلىستىق بايقاۋ ءوتتى.

ەرتەگى ارقىلى ۇلتتىق قۇندىلىقتارىمىزدى، سالت ءداستۇرىمىزدى، ەرلىك پەن ەلدىكتى، بايلىق پەن باقىتتى ناسيحاتتاۋعا، ۇلىقتاۋعا ارنالعان شاراعا قالا، اۋدانداردان بارلىعى 10 جاس كەلىن قاتىسىپ باقتارىن سىنادى.
شارانىڭ ءوتۋ بارىسىن قاداعالاپ، باقىلاپ بۇگىنگى قازاق كەلىندەرىنىڭ بەت بەينەسىن، ەرتەگى ايتۋ مانەرىن ساراپقا سالعان قازىلاردىڭ قۇرامىندا تانىمال ونەر ادامدارى، قوعام قايراتكەرلەرى، اقىندار مەن جاستار ۇيىمدارىنىڭ جەتەكشىلەرى بولدى.
بايقاۋدىڭ قورىتىندىسىندا جەڭىمپازدار العىس حاتتارمەن، ديپلومدارمەن جانە باعالى سىيلىقتارمەن ماراپاتتالدى.
«ايقىن»