15:18, 17 - تامىز 2015 | GMT +5
جاس وتان جاستار قاناتىنىڭ ءتوراعاسى ن. سىدىقوۆ الماتى قالالىق جاستار ساياساتىن باسقارۋعا كەتتى
الماتى. قازاقپارات - «جاس وتان» جاستار قاناتىنىڭ ءتوراعاسى نۇرلان سىدىقوۆ الماتى قالالىق جاستار ساياساتى ماسەلەسى جونىندەگى باسقارمانىڭ باسشىسى مىندەتىن اتقارۋشى بولىپ تاعايىندالدى.
بۇل تۋرالى قالالىق اكىمدىكتىڭ باسپا ءسوز حاتشىسى گاۋحار وماربەك حابارلادى.
«وسىعان دەيىن اتالعان لاۋازىمدا قىزمەت اتقارىپ جۇرگەن نازار بالعىمبايەۆ ورىنباسار بولىپ تاعايىندالدى»، - دەدى گ. وماربەك.
ايتا كەتەيىك، نۇرلان سىدىقوۆ 2007 -جىلى ءال- فارابي اتىنداعى قازاق ۇلتتىق ۋنيۆەرسيتەتىن تامامداعان. بىرنەشە جىل قاتارىنان «جاسىل ەل» رەسپۋبليكالىق ستۋدەنتتەر جاساعىنىڭ شتابىندا قىزمەت ەتىپ كەلگەن.
«جاس وتان» جاستار قاناتىنىڭ جاۋاپتى حاتشىسى، كەيىن ءتوراعاسى لاۋازىمىندا قىزمەت ەتكەن.
اۆتور: گۇلميرا عوسمانالي
