استانانىڭ كۇندىزگى جانە تۇنگى بەزەندىرىلۋى قازىرگى ەلوردانىڭ كەسكىن- كەلبەتىنە ساي ەمەس - ءا. جاقسىبەكوۆ

دەپ حابارلادى قالالىق اكىمدىكتىڭ باسپا ءسوز قىزمەتىنەن.
وتكەن اپپاراتتىق جيىنداردىڭ بىرىندە ەلورداداعى سۋپەرماركەتتەردىڭ، ساۋدا ورتالىقتارى مەن دەنساۋلىق ساقتاۋ مەكەمەلەرى، سونداي- اق، وزگە دە الەۋمەتتىك نىسانداردىڭ حالىققا كورسەتەتىن قىزمەتتەرىنىڭ ساپاسىن ارتتىرۋ بويىنشا ماسەلە كوتەرىلگەن بولاتىن. بۇل ماسەلەگە تۇرعىندار دا ءۇن قوستى. قالا باسشىسى اتاپ وتكەندەي، قالالىق قۇرىلىمداردىڭ باستى جۇمىس باعىتى ەلوردالىق سەرۆيس دەڭگەيىن جانە حالىققا كورسەتىلەتىن بارلىق قىزمەت تۇرلەرىنىڭ ساپاسىن ارتتىرۋ بولۋى كەرەك.
اكىمنىڭ ايتۋىنشا، بيۋدجەت ساياساتىندا مەملەكەتتىك- جەكە مەنشىك سەرىكتەستىك مەحانيزمىن ءجيى پايدالانىپ، ينۆەستورلاردى تارتۋ قاجەت. ەلوردا باسشىسى استانادا ينۆەستيتسيالىق قولايلى جاعداي جاساۋ ەڭ وزەكتى ماسەلە بولىپ وتىرعانىن اتاپ ءوتتى.
ەلوردادا 27-30 - قازان ارالىعىندا وتەتىن «stana InvestA - 2015» VI حالىقارالىق ەكونوميكالىق فورۋمى دا وسى تۇيتكىلدى ماسەلەلەردى شەشۋگە ارنالادى.
- بۇل جۇمىسقا فورمالدى تۇردە قاراماۋ كەرەك. كەدەرگىلەردى جويۋ بويىنشا مەنىڭ قويعان تالاپتارىم شۇعىل تۇردە جۇزەگە اسۋى قاجەت، - دەدى اكىم.
قالا مەكتەپتەرىنىڭ جاڭا وقۋ جىلىنا دايىندىعى جانە ولاردىڭ جاعدايى جاقسى بولعانىمەن، اكىم ءبىرقاتار كەمشىلىكتەرگە دە توقتالا كەتتى.
- كوپتەگەن قالا مەكتەپتەرىنىڭ اۋلالارىندا سانيتارلىق جاعداي باقىلانبايدى. سالبىراپ تۇرعان ەلەكتر سىمدارى بالالارعا جاراقات سالۋى مۇمكىن، مىسالى. مەكتەپ اۋلالارىندا تۇرعىلىقتى مەكەن- جايى جوق تۇلعالاردىڭ ءجۇرۋى. مۇنىڭ ءبارىن مەكتەپ ديرەكتورلارى عانا ەمەس، قالانىڭ قۇزىرەتتى ورگاندارى دا قاداعالاۋ كەرەك، - دەدى ءا. جاقسىبەكوۆ.
تاعى ءبىر وزەكتى ماسەلە بولىپ ۆوكزال اۋماعىنداعى جاعداي بولىپ تابىلادى. قايىرشىلار، «تۇنگى كوبەلەكتەردىڭ» قىزمەتىن ۇسىناتىن سۋتەنەرلەر جانە ۆوكزال اۋماعىنداعى قىم- قۋىت تىرلىكتىڭ ءبارى قالا تۇرعىندارى مەن قوناقتارى تاراپىنان ايتىلاتىن كوپ سىنعا تۇرتكى بولادى.
- مىسالى، «ۆەچەرنيايا استانا» گازەتىنىڭ سەنبىلىك نومىرىندە ءتىلشى وزگە قالادان كەلگەن ادام رەتىندە كورىنىپ، ۆوكزال اۋماعىنداعى ءومىردىڭ بارلىق قىر- سىرىن اشىپ بەرگەن. بۇل كەشە عانا ورىن العان جاعداي ەمەس. ىشكى ىستەر دەپارتامەنتىنەن ۆوكزال اۋماعىن تازارتۋ بويىنشا شارا قابىلداۋدى تالاپ ەتەمىن، - دەدى اكىم.
قالا باسشىسىنىڭ ايتۋىنشا، پ ي ك تۇرعىندارمەن تىكەلەي بايلانىستا بولىپ، ءاربىر شاعىم مەن وتىنىشكە دەر كەزىندە جاۋاپ قاتۋلارى كەرەك.
ەلوردانىڭ بەزەندىرىلۋى دە، اكىمنىڭ پىكىرىنشە، كوپ سىننىڭ استىندا قالىپ جاتادى. استانانىڭ كۇندىزگى جانە تۇنگى بەزەندىرىلۋى قازىرگى ەلوردانىڭ بەت- كەلبەتىنە ساي ەمەس.
- ەسكى ماتەريالدار، گيرلياندالار، جارىق ديودتى شامدار قولدانىلعان. مۇنىڭ بارلىعى دا ەسكىرىپ بىتكەن. جاڭا، جوعارى تەحنولوگيالىق ماتەريالداردى پايدالانۋ كەرەك. ءبارى ءبىرىڭعاي كونسەپتسياعا باعىنۋ كەرەك، - دەگەن اكىم وسى جۇمىستى قالا قۇرىلىسى جانە ساۋلەت باسقارماسىنا باقىلاۋدى تاپسىردى.
قورىتىندىلاي كەلە، ءا. جاقسىبەكوۆ استانا قالاسىندا تۇرعىندارعا كورسەتىلەتىن قىزمەت ساپاسى ەلوردا ستاتۋسىنا ساي بولۋى كەرەكتىگىن تاعى ءبىر اتاپ ءوتتى. سوندىقتان، قالا قۇرىلىمدارى تۇرعىندار مەن قالا قوناقتارىنا ىڭعايلى جاعداي جاساۋ ءۇشىن بارلىق سالالارداعى كەم- كەتىكتەردى جويۋلارى كەرەك.