جىگىتتەرگە جابىسقان جەڭىل ءجۇرىستى قىزدار ايىپقا تارتىلدى

پوليتسيا قىزمەتكەرلەرى اباي- ساين كوشەلەرىنىڭ قيىلىسىنداعى 4 قوناق ءۇي كەشەنىن، ءدامحانا، كوڭىل كوتەرۋ ورىندارىن ارالاپ شىقتى.
«اپتالىقتىڭ العاشقى كەزەڭىندە- اق جىنىستىق قىزمەت كورسەتىپ جۇرگەن 48 ادام ۇستالدى. ولاردىڭ توعىزى قىرعىز ەلىنەن كەلسە، قالعان 9 ى وزبەكستان رەسپۋبليكاسىنىڭ ازاماتشاسى ەكەن. قىرعىز ەلىنەن كەلگەن ءبىر ازاماتشا بۇدان بۇرىن دا ق ر كوشى- قون تۋرالى زاڭناماسىن بۇزعانى ءۇشىن قازاقستاننان كەتۋگە ءتيىس بولعان. سوت ۇكىمىن ورىنداماعانى ءۇشىن ول ق ر ق ك 393-بابى بويىنشا قىلمىستىق جاۋاپكەرشىلىككە تارتىلدى»، - دەدى قالالىق ءى ءى د باسقارما باسشىسىنىڭ ورىنباسارى ەرلان قاسىم.
سونداي- اق، رەيد بارىسىندا قوعامدىق ورىنداردا اشىقتان اشىق جىنىستىق قىزمەت كورسەتۋ تۋرالى ۇسىنىس جاساعان 9 ازاماتشا اكىمشىلىك جاۋاپكەرشىلىككە تارتىلدى.
جانە ەكى ازاماتشانىڭ جەكە باسىن كۋالاندىراتىن قۇجاتى جوق بولعاندىقتان، ۋاقىتشا ۇستاۋ وقشاۋلاعىشىنا قامالدى.
جەڭگەتايلىقپەن اينالىسىپ كەلگەن ءۇش قوناق ءۇيدىڭ اكىمشىسى دە جازاسىز قالمادى.
اۆتور: گۇلميرا عوسمانالي