12:34, 17 - تامىز 2015 | GMT +5
دۋباي مەن پاناما اراسىنداعى اۋە رەيسى الەمدە جاڭالىق جاسادى
استانا. قازاقپارات - دۋباي مەن پاناما اراسىنداعى اۋە رەيسىنىڭ ۇزاقتىعى 17 ساعات 35 مينۋتتى قۇرادى.
بۇل باعىتتا Emirates اۋە كومپانياسىنىڭ لاينەرلەرى كەلەر جىلدىڭ اقپان ايىنان باستاپ ۇشاتىن بولادى. ەڭ ۇزاق ۇزدىكسىز رەيسكە ارناپ Boeing-777 ۇشاقتارى ىرىكتەلىپ جاتىر.
الپاۋىت اۋە كومپانياسىنىڭ مالىمدەۋىنشە، بۇل دۋبايدان بىردەن ورتالىق امەريكاعا باعىت ۇستايتىن العاشقى رەيس بولعالى جاتىر.
سونىمەن قاتار، كاريب تەڭىزى مەملەكەتتەرىمەن قوسا وڭتۇستىك امەريكانىڭ سولتۇستىك وڭىرىندەگى ەلدەرگە شىعۋعا ىڭعايلى ۇلكەن حابقا اينالادى.
ايتا كەتەيىك، Emirates ەندى كولىك قاتىناسى جۇيەسىنە تاعى 4 جاڭا باعىت اشۋدى كوزدەپ وتىر. تاياۋ ارادا اراب ەلىنەن يراننىڭ مەشحەد شاھارىنا ا ق ش- تىڭ ورلاندو، ماليدىڭ باماكو جانە يتاليانىڭ بولونيا قالالارىنا ەش كىدىرىسسىز جەتۋدىڭ مۇمكىندىگى تۋادى.
24.kz
