قىتايدىڭ تيانجين قالاسىندا تاعى جارىلىس بولدى

استانا. قازاقپارات - 12 - تامىزدا جارىلىستار سەرياسى مەن ءورت شىققان قىتايدىڭ سولتۇستىگىندەگى تيانجين قالاسىنداعى قويما ماڭىندا تاعى جارىلىس ورىن الدى. بۇل تۋرالى ت ا س س ورتالىق قىتاي تەلەۆيزياسىنا سىلتەمە جاساپ حابارلادى.
None
None

 وقيعا ورنى اۋدانىندا «اق ءتۇتىن پايدا بولدى»، جاقىن جەردەگى اسكەري قىزمەتكەرلەر قاۋىپسىز جەرگە شىعارىلدى دەپ حابارلاندى.

ەسكە سالا كەتەيىك، توتەنشە جاعداي «جۋيحاي» لوگيستيكالىق كومپانياسىنىڭ قويماسىندا ورىن العان بولاتىن. 2 شاقىرىم جەردەگى ۇيلەردىڭ تەرەزە شىنىلارى سىنىپ، 1 مىڭنان استام اۆتوموبيلگە زاقىم كەلتىرىلدى. قۋاتتىلىعى تروتيل ەكۆيۆالەنتىندە 3 توننانى قۇرايتىن جارىلىستان كەيىن مۇندا ءورت شىقتى. بۇدان كەيىن قويمادا تاعى بىرنەشە جارىلىس ورىن الدى. ەڭ كۇشتىسىنىڭ قۋاتتىلىعى تروتيل ەكۆيۆالەنتىندە 21 توننانى قۇرادى.

قۇتقارۋشىلار 112 ادامنىڭ ءمايىتىن تاپتى، 95 ادام ءىز- ءتۇزسىز جوعالعان دەپ ەسەپتەلۋدە. وقيعا ورنىندا ءتيىستى جۇمىستار ۇزدىكسىز ءجۇرىپ جاتىر.

سوڭعى جاڭالىقتار