فوتوگراف قاڭعىباس ادامداردى سۋرەتكە ءتۇسىرىپ ءجۇرىپ ءوز اكەسىن تاۋىپ الدى
وكىنىشكە وراي، كەيىننەن ونىڭ اتا- اناسى ايىرىلىسىپ، كيم تۋعان- تۋىسقاندارىمەن، دوستارىمەن بىرگە تۇرا باستايدى. وسىلايشا اكەسى مەن قىزىنىڭ اراسى قاق بولىنەدى.
كيم 2003 -جىلدان باستاپ، ءۇي- كۇيى جوق كەزبەلەردى سۋرەتكە ءتۇسىرۋ جوباسىن قولعا الادى. ال 2012 -جىلى ول تاڭعاجايىپ وقيعاعا تاپ بولادى. ول گونولۋلۋدا قاڭعىباس ادامداردى سۋرەتكە ءتۇسىرىپ جۇرگەن كەزىندە ءوز اكەسىن كەزدەيسوق جولىقتىرعان.
كيم NBC News تەلە ارناسىنا بەرگەن سۇحباتىندا: «مەن اكەمدى كۇندىز- ءتۇنى ىزدەدىم. مەن اكەمدى جولىقتىرامىن دەپ ۇمىتتەنىپ جۇرگەنىمدە ونى كوشەنىڭ ءبىر بۇرىشىندا تۇرعانىن كوردىم. ول شيزوفرەنيا اۋرۋىنا شالدىققان. ول سول قالپى ەمدەلمەي قالىپ كەتتى. كوشەدە اكەم بىرەۋ- مىرەۋمەن ۇرىسىپ جاتقان سياقتى بولادى. الايدا، جان- جاعىندا ەشكىم بولمايدى» ، - دەيدى.
كيم ۋاقىتى كەلە اكەسىنە ازىق- تۇلىك اكەلىپ، ەمدەلۋىن سۇراعان. ءبىراق، اكەسى ەمدەلۋگە 2014 - جىلى جۇرەك تالماسىن العاننان كەيىن عانا كەلىسەدى. بۇگىندەرى كيمنىڭ اكەسىنىڭ جاعدايى ءبىر قالىپتى. ول ۋاقىتىلى ەم قابىلداپ، ءتىپتى جۇمىس ىستەۋگە نيەتتەنىپ ءجۇر ەكەن. اكەسى سولتۇستىك كورەياداعى جانۇياسىنا بارۋدى جوسپارلاپ جاتقان كورىنەدى، دەپ جازادى massaget.kz.
