سولتۇستىك كورەيا بيلىگى «بەلگىسىز قارۋمەن» شابۋىل جاسايتىنىن ايتىپ قوقان- لوقى كورسەتتى

 استانا. قازاقپارات - سولتۇستىك كورەيا بيلىگى ا ق ش پەن وڭتۇستىك كورەيانىڭ بىرلەسكەن Ulchi Freedom Guardian وقۋلارىنا «بەلگىسىز قارۋمەن» جاۋاپ بەرەتىنىن ايتىپ قورقىتتى، دەپ حابارلادى CNN.

 «ا ق ش ۆاشينگتون تاراپىنان ك ح د ر- عا قاتىستى سانكسيالار مەن بلوكادالاردىڭ كۇشەيتىلگەنى ءۇشىن الدەقايدا قاتال ءارى قاۋىپتى جاۋاپ كۇتۋى كەرەكتىگىن ءتۇسىنۋى كەرەك»، - دەگەن ك ح د ر ۇلتتىق قورعانىس كوميتەتى وكىلىنىڭ سوزدەرىن تەلەارنا كەلتىردى.

 «ك ح د ر حالقى مەن اسكەرى بۇرىنعىداي وسال ەمەس»، - دەدى سولتۇستىك كورەيانىڭ قورعانىس كوميتەتىنىڭ وكىلى. ول «ك ح در - الەمگە بەلگىسىز شابۋىلداۋشى قارۋمەن جانە قورعانىس قارۋلارىمەن جابدىقتالعان جەڭىلمەيتىن كۇش» دەدى، دەپ جازدى ر ي ا  نوۆوستي.

سولتۇستىك كورەيانىڭ جەتەكشى مەملەكەتتىك تەلەارناسى دا ا ق ش- تى «ماتەريك قاۋىپسىزدىكتە بولۋى ءۇشىن» وقۋلاردى دەرەۋ توقتاتۋعا شاقىردى.

 پەنتاگوندا بىرلەسكەن قورعانىس وقۋلارى جىل سايىن ۇيىمداستىرىلاتىنىن جانە الەمدە بولىپ جاتقان وقيعالارعا ونىڭ قاتىسى جوق ەكەنىن ايتتى.