ءتاتتى نانعا تالاسقان قوستاناي تۇرعىندارى كوپشىلىكتى تاڭ قالدىردى - فوتو

استانا. قازاقپارات - 15 -تامىز كۇنى قوستانايدا قالانىڭ 136 جىلدىعى ۇلكەن قۇرمەتپەن اتاپ ءوتىلدى.

الايدا، قالا تۇرعىندارىنىڭ ناننان جاسالعان پيراميداعا شابۋىلى كوپشىلىكتىڭ تاڭدانىسىن تۋعىزدى.

بۇل تۋرالى ناشا گازەتا باسىلىمىنا سىلتەمە جاساپ NUR. KZ حابارلايدى.

ناننان جاسالعان ەرەكشە ەكسپوزيتسيا ماڭىندا جەرگىلىكتى ونەرپازدار كونسەرت قويىپ، قالا تۇرعىندارى تاماشالاپ تۇرعان. كەيىن وبلىس اكىمى نۇرالى ءسادۋاقاسوۆ ناننان اۋىز ءتيىپ، كەتىپ قالعان سوڭ، تۇرعىندار جاپپاي ناندى تالاي باستادى.

 

تۇرعىندار كۇزەتشىلەردى دە ەلەمەي، ءتاتتى توقاشتار مەن بولكەلەرگە تالاسا باستايدى. تومەنگى قاتاردا تۇرعان نان ءبىتىپ قالعان سوڭ، ولار ەڭ جوعارىدا ورنالاسقان كاراۆايدى الامىز دەپ جانتالاستى.

 

ال نان ءپىسىرۋشى قىزدار قانشا جەردەن تىرىسقانىمەن، نانعا تالاسقان كوپشىلىكتى توقتاتا العان جوق.