الماتىدان ىستىقكولگە اپاراتىن توتە جول انىقتالدى

ەكى جاقتى جۇمىس توبى باعىتتىڭ تىكەلەي ءتيىمدى نۇسقاسىن انىقتادى: الماتى - ۇزىناعاش - قاستەك (بۇرىنعى ميحايلوۆكا اۋىلى) - قاراساي باتىر - ىستىقكول بويىنشا باعىتتالعان.
بۇل تۋرالى Tengrinews.kz حابارلايدى.
الداعى ۋاقىتتا قازاقستان اۋماعى بويىنشا ۇزىناعاشتان قاستەك اۋىلىنا دەيىنگى 42 شاقىرىم بولاتىن جولدى قايتا جوندەۋدەن وتكىزۋ جوسپارلانعان. بۇدان ءارى ۇزىندىعى 47 شاقىرىم بولاتىن جاڭا جول قۇرىلىسى قاجەت.
جوسپارلانعان اۋماقتى باسىپ وتەتىن جول تەڭىز دەڭگەيىنەن 2640 مەتر جوعارى ورنالاسقان، توڭىرەك بەدەرى قيىن، سەرپانتين بويىنشا شۇعىل وردەن وتەتىن جاڭا قاستەك اسۋى ارقىلى وتەدى. اسۋدان ءجۇرىپ وتكەننەن كەيىن باعىت ەڭبەك جانە قاراساي باتىر (بۇرىنعى ميحايلوۆكا اۋىلى) شەكارالىق اۋىلدارى اراسىمەن وتەتىن بولادى. ول جەرلەردە 5 مىڭعا جۋىق ادام تۇرادى.
الماتى- ىستىق كول جاڭا باعىتى بۇرىن بولعان 480 شاقىرىم جولدىڭ ورنىنا 280 شاقىرىم بولادى. وسى باعىتتى تاڭداۋ ەڭبەك جانە قاراساي باتىر اۋىلدارىن الماتى قالاسىمەن بايلانىستىرۋعا مۇمكىندىك بەرەدى، ول وسى وڭىرلەردىڭ دامۋىنا وڭ ىقپال ەتەدى.
«الماتى- ىستىقكول» جاڭا جول قۇرىلىسى تۋريزمنىڭ وركەندەۋىنە اسەر ەتەدى، ەلدەر اراسىنداعى ترانزيت الەۋەتىن ارتتىرۋعا سەپتىگىن تيگىزەدى، سونداي-اق، جاعىمدى الەۋمەتتىك- ەكونوميكالىق كۇش بەرىپ، اتالعان باعىتتىڭ بويىندا ورنالاسقان ەلدى- مەكەندەردىڭ دامۋىنا مۋلتيپليكاتيۆتىك اسەر بەرەدى.