وزبەك پرەزيدەنتتىڭ ۇلكەن قىزى گۋلنارا كاريموۆاعا پارا بەرگەن بە؟

استانا. قازاقپارات - ا ق ش قۇقىق قورعاۋ ورگاندارى ەۋروپانىڭ 5 مەملەكەتىنە امەريكا تەرگەۋىنىڭ پىكىرىنشە وزبەكستان بيلىگىنە پارا بەردى دەگەن كۇدىك تاڭىلىپ وتىرعان م ت س جانە Vimpelcom كومپانيالارىنىڭ 1 ميلليارد دوللار سوماسىنداعى اكتيۆتەرىنە توسقاۋىل قويۋ جونىندە سۇرانىس جولدادى. بۇل تۋرالى The Wall Street Journal حابارلادى.
None
None

باسىلىم مۇندا تەرگەۋ ىسىنەن حابارلارى بار مانبەگە، سونداي- اق سوت قۇجاتتارىنا سۇيەنگەن.

امەريكا تەرگەۋىنىڭ ۆەرسياسى بويىنشا، رەسەيدىڭ Vimpelcom جانە م ت س كومپانيالارى، سونداي- اق TeliaSonera اتتى شۆەد- فين بىرلەسكەن كاسىپورنى وزبەكستانداعى موبيلدى تەلەكوممۋنيكاتسيا سالاسىندا بيزنەس جۇرگىزۋ ءۇشىن وسى ەل شەنەۋنىكتەرىنە پارا بەرگەن. تەرگەۋشىلەر وپەراتورلاردىڭ جالعان فيرمالار ارقىلى وزبەك پرەزيدەنتى يسلام كاريموۆتىڭ جاقىنى بولىپ تابىلاتىن جەرگىلىكتى ءبىر شەنەۋنىككە وسى ءۇشىن اقشا تولەگەندەرىن العا تارتادى. ازىرگە بىردە- ءبىر جەكە تۇلعاعا نەمەسە كومپانياعا رەسمي ايىپ تاعىلعان جوق.

الايدا، ب ا ق- تار بۇل جەردە اڭگىمەنىڭ پرەزيدەنتتىڭ ۇلكەن قىزى گۋلنارا كاريموۆا تۋرالى بولىپ وتىر دەپ ەسەپتەيدى. بۇعان جوعارىدا وسى قىلمىستىق ىسكە بايلانىستى اتتارى اتالعان م ت س، Vimpelcom جانە TeliaSonera كومپانيالارى اقشا اۋدارعان گيبرالتارداعى Takilant كومپانياسىنىڭ سول كەزەڭدە (2006-2011 ج ج) كاريموۆانىڭ جاقىن قۇربىسى جانە سەنىمدى وكىلى گايانە اۆاكياننىڭ مەنشىگىندە بولعانى بىردەن- ءبىر ايعاق.

ا ق ش- تىڭ نيۋ- يورك شتاتىنداعى وڭتۇستىك وكرۋگىنىڭ سوتى وسى Takilant كومپانياسىنىڭ بەلگياداعى، يرلاندياداعى جانە ليۋكسەمبۋرگتەگى ەسەپشوتىنداعى $300 ميلليون اقشاسىنا تۇساۋ سالۋ تۋرالى دا شەشىم شىعارعان. بۇدان بولەك، WSJ مالىمەتى بويىنشا، ا ق ش بيلىگى شۆەتسياعا شىعىپ، تاعى دا وزبەكستانداعى جەمقورلىققا بايلانىستى 30 ميلليون دوللارعا تۇساۋ سالۋدى سۇرادى. وسىنداي قادامداردى امەريكا بيلىگى شۆەيتسارياعا دا جاسادى. راس، ونداعى قارجىلاردىڭ اۋقىمى ءتىپتى كوپ - $640 ميلليون سوتتىڭ قۇجاتىنا قاراعاندا، ا ق ش توقتاۋ سالۋدى تالاپ ەتكەن دۇنيەلەردىڭ اراسىندا كول جاعاسىنداعى ۆيللا دا بار. مۇنىڭ گۋلنارا كاريموۆانىڭ مەنشىگى ەكەنى دە ايتىلىپ قالادى.

Vimpelcom كومپانياسىنىڭ وكىلى ارتەم مينايەۆ بۇرىن Vimpelcom جانە Takilant كومپانيالارىمەن جۇمىس ىستەگەنىن، ولاردىڭ وزبەكستانداعى جۇمىسپەن بايلانىستى ەكەنىن ايتتى. ا ق ش ادىلەت مينيسترلىگىنىڭ تالاپ- ارىزىنا قاراعاندا، Vimpelcom 2006-2011 -جىلدارى وزبەكستان رىنوگىندا جالپى سوماسى $133,5 ميلليون بولارلىق جەتى، ال م ت س $380 ميلليون سومانى قۇرايتىن 8 كۇماندى كەلىسىم جاساسقان.

وزبەكستاننىڭ تەلەكوممۋنيكاتسيا رىنوگىنداعى جانجال 2012 -جىلى باستالدى. سول كەزدە ونى بىرنەشە ب ا ق جارىسا جازىپ، TeliaSonera كومپانياسىنىڭ بەلارۋس، قازاقستان، ازەربايجان جانە وزبەكستان ەلدەرىندەگى مەملەكەتتىك شەنەۋنىكتەرمەن جەمقورلىق سيپاتتا بايلانىسى بار ەكەنى جونىندە اقپار تاراتتى. وسى جاريالانىمداردان كەيىن شۆەتسيا، شۆەيتساريا، نيدەرلاند جانە ا ق ش ەلدەرىندە تەكسەرۋ جۇمىستارى باستالىپ كەتتى. تەرگەۋدىڭ باستى فيگۋرانتتارى رەتىندە م ت س پەن Vimpelcom اتالدى.

سوڭعى جاڭالىقتار