اقىلدى ادامدار ۇزاق ءومىر سۇرە الا ما؟

استانا. قازاقپارات - International Journal of Epidemiology عىلىمي جۋرنالىنىڭ سوڭعى سانىندا عالىمدار ادامنىڭ ينتەللەكتى مەن ءومىر ءسۇرۋ مەجەسىن سالىستىرعان دەپ جازادى massaget.kz.
None
None

لوندونداعى ساياسي عىلىمدار مەن ەكونوميكا مەكتەبىنىڭ زەرتتەۋشى عالىمى روزاليند اردەن ءوز كومانداسىنىڭ زەرتتەۋ جۇمىسىنا سۇيەنىپ، اقىلدى ادامداردىڭ ءبىرشاما كوپ ءومىر سۇرەتىنىن نەگىزگە الىپ وتىر.

راسىندا اقىلدى ادامدار ءوز دەنساۋلىعىن كۇتىممەن قاراۋ كەزىندە بارىنشا دۇرىس شەشىمدەردى قابىلداۋعا تىرىسادى. سونىمەن قاتار، اقشا تابۋدىڭ جولىن ءبىلىپ، ءوز ءومىرىن جايلى ەتەدى. دەگەنمەن، عالىمدار مۇنداي ادەتكى قاعيدالاردى ەسكەرىپ، وسىنداي تەوريالىق پىكىرگە توقتالعان جوق.

جاريالانعان ماقالادا بەلگىلى ءبىر كاتەگورياداعى ۇرپاقتان- ۇرپاققا بەرىلگەن گەندەر ادامدى اقىلدى ەتىپ قانا قويماي، ونىڭ ۇزاق ءومىر سۇرۋىنە دە سەپتىگىن تيگىزەتىنى تۋرالى جازىلعان.

زەرتتەۋشىلەر ا ق ش، شۆەتسيا جانە دانيادا تۋعان ءارتۇرلى جۇمىرتقالى ەگىزدەردىڭ IQ كورسەتكىشى مەن ءومىر ءسۇرۋ مەجەسىن سالىستىرىپ قاراعان. ناتيجەدە ەگىزدەردىڭ اقىلدىلارى سىڭارىنان ءبىرشاما كوپ ۋاقىت ءومىر سۇرگەنى بەلگىلى بولعان.

«ءبىز ينتەللەكت پەن ءومىر ءسۇرۋ مەجەسىنىڭ اراسىنداعى بايلانىس ادامنىڭ گەنىنە بايلانىستى ەكەنىن دالەلدەدىك»، - دەيدى روزاليند اردەن Live Science پورتالىنا بەرگەن سۇحباتىندا.

سوڭعى جاڭالىقتار