استانادا سلاۆيان حالىقتارىنىڭ بال مەرەكەسى اتاپ وتىلەدى

بال مەرەكەسى - بال جارمەڭكەلەرىن وتكىزۋ ءداستۇرىن قايتا جاڭعىرتاتىن مەرەكە. مەرەكەلىك شارالار حرامدارداعى تاڭعى عيباداتتان باستالىپ، ودان سوڭ حرامدار اۋماعىندا جالعاسادى.
كورمە- جارمەڭكەدە قالا تۇرعىندارى مەن قوناقتارى ومارتاشىلاردان جان- جاقتى كەڭەس الىپ، بالدىڭ پايدالى قاسيەتتەرى مەن تۇرلەرى تۋرالى بىلە الادى. سونىمەن قاتار، ساپالى، ءدامدى جانە ەكولوگيالىق تازا ونىمدەر ساتىپ الۋعا بولادى.
قازاقستاندىق ميتروپوليت الەكساندردىڭ باتاسىمەن، «بال- ارا» قازاقستان ومارتاشىلارىنىڭ ۇلتتىق وداعى جانە قوعامدىق بىرلەستىكتەر وكىلدەرىمەن بىرلەسە وتىرىپ، شارا ءبىر ۋاقىتتا رەسپۋبليكانىڭ بىرنەشە ايماقتارىندا وتكىزىلەدى.
استانادا «بال مەرەكەسى» بەسىنشى رەت وتكەلى وتىر. جىل سايىنعى جارمەڭكە مەرەكەسى قالانىڭ بارلىق تۇرعىندارىنا سلاۆيان مادەنيەتىنىڭ ءداستۇر، سالتتارىمەن تانىسۋعا مۇمكىندىك بەرەدى.