12:14, 17 - تامىز 2015 | GMT +5
ب. بايبەك الماتىداعى وڭتۇستىك قازاقستان وبلىسىنىڭ جارمەڭكەسىندە ءجۇزىم مەن شۇبات ساتىپ الدى - فوتو
الماتى. قازاقپارات - بۇگىن الماتىدا اۋىلشارۋاشىلىق جارمەڭكەسى ءوتتى. وڭتۇستىك قازاقستان وبلىسىنىڭ 14 اۋدانى مەن شىمكەنت، تۇركىستان قالالارىنان كەلگەن فەرمەرلەر مەن الماتىلىق 38 كاسىپورىن وڭتۇستىك استاناعا 200 توننادان استام ازىق- تۇلىك اكەلدى.

ازىق- تۇلىك ساپاسىن قالا اكىمى باۋىرجان بايبەك سىناپ كوردى. قالا باسشىسى وڭتۇستىك قازاقستان وبلىسىنىڭ تانىمال ءونىمى ءجۇزىم مەن شۇبات ساتىپ الدى.
7 مىڭعا جۋىق تۇرعىن ەت، ءسۇت، جارما، شۇجىق، كوكونىس ونىمدەرىن بازار باعاسىنان 15-20 پايىزعا تومەن باعامەن ساتىپ الدى.
ونىڭ ىشىندە جالپى قۇنى 100 ميلليون تەڭگە بولاتىن 56 توننا ەت، 75 توننا جەمىس- كوكونىس، 5 توننا ءسۇت، 66 توننا وزگە دە ازىق تۇلىك ونىمدەرى ساتىلدى.
جارمەڭكە بارىسىندا و ق و اكىمشىلىگى ايماقتىق كاسىپورىندارعا الماتىدا لوگيستيكالىق ورتالىق سالۋعا ۇسىنىس ءبىلدىردى. بۇل و ق و فەرمەرلەرىنە ءوز تاۋارلارىن دەلدالسىز تىكەلەي ساتۋعا مۇمكىندىك بەرەدى. قالا اكىمى قۇزىرلى ورگاندارعا اتالعان ۇسىنىستى قاراۋدى تاپسىردى.