قازاق پەن قىرعىزدىڭ ەكى مىقتى جازۋشىسى شەكىسىپ قالعاندا
وسى جولى ءبىر باس قوسۋدا ەسىپ اڭگىمە ايتىپ وتىرعان سابەڭ ءسوز اراسىندا:
- قىرعىز اعايىنعا قاراعاندا مىنا بىزدەر، قازاقتار اقسۇيەكتەۋ عوي، - دەسە كەرەك.
بۇل ءسوزدى كوڭىلىنە الىپ قالعان قىرعىزدىڭ حالىق اقىنى قۋانىشبەك مالىبەكوۆ تابان استىندا:
- سابە، راس ايتاسىز، سىزدەردىڭ اقسۇيەكتەۋ ەكەندەرىڭىزدە كۇمان جوق، سەبەبى كەنەسارىنىڭ سوڭكە بولىپ اعارىپ جاتقان سۇيەگىن كۇندە كورىپ ءجۇرمىز، - دەپتى.
ەكى ۇلكەن ادامنىڭ سوزبەن شارپىسىپ قالعانىنا وتىرعاندار ىڭعايسىزدانىپ، جۇزدەرىن بۇرادى. سوندا ءماريام اپامىز ءسوز الىپ:
- وتكەننىڭ شاڭىن شىعارىپ، ولگەننىڭ باسىن اۋىرتىپ قايتەسىڭدەر. وداندا بۇگىنگى كۇي، ەرتەڭگى جايىمىزدى ويلايىق. باسقانى قايدام، ءوز باسىم وسىندا كەلگەلى ناۋرىزبايعا تارتقان باۋىرلارىمدى كورىپ ءبىر جاساپ قالدىم! - دەگەن ەكەن.
سوندا قۋانىشباي مالىكوۆ ورنىنان تۇرىپ، ءماريام اپامىزدىڭ جاۋلىعىنىڭ ۇشىنان ءسۇيىپتى. ال، باۋىرلاس اعايىننىڭ كوڭىلىنە كەلەتىن ءسوز ايتىپ العانىنا ابدىرىپ وتىرعان سابەڭ ءارى تولقىپ، ءارى جادىراپ، سۋلانعان كوزىن ورامالمەن ءسۇرتىپ:
- ءاي، وسى بار عوي، اناۋ تاپقىر، مىناۋ تاپقىر دەيدى، مەن ءۇشىن ءماريامنان تاپقىر ەشكىم جوق! - دەگەن ەكەن.
زاڭعار كارىمحان
