سۋداندا شالبار كيگەنى ءۇشىن ستۋدەنت قىزدى قامشىمەن سابادى

استانا. قازاقپارات - سۋدان ەلىندەگى حارتۋم قالاسىنىڭ سوتى 19 جاستاعى فارتوس ءال- تۋمدى دجينسى شالبارىن كيگەنى ءۇشىن قامشىمەن 20 رەت ساباۋ جازاسىنا كەستى.

ونىڭ قورعاۋشىسىنىڭ ايتۋىنشا، بويجەتكەن 25 - ماۋسىمدا جەرگىلىكتى شىركەۋگە جاقىن جەردە ۇستالعان. زاڭعا سۇيەنگەن سۋديا وسىنداي كيىم كيۋ ادەپكە جاتپايدى دەگەن شەشىم شىعاردى.

بۇدان باسقا، ءال- تۋمعا 500 سۋدان فۋنتى (شامامەن 82 دوللار) كولەمىندە ايىپپۇل تولەۋىنە تۋرا كەلەدى.

 ءال- تۋمعا قولداۋ ءبىلدىرۋ ءۇشىن Amnesty International قۇقىق قورعاۋشىلارى عالامتوردا سۋدان بيلىگىنە ارناعان ۇندەۋدىڭ استىنا ادامداردىڭ قولدارىن جيناي باستادى. قازىرگى كەزدە پەتيتسياعا 40 مىڭنان استام ادام قول قويعان.