07:40, 17 - تامىز 2015 | GMT +5
تيانجيڭدە تاعى جارىلىس بولدى
استانا. قازاقپارات - قىتايدىڭ تيانجين قالاسىندا توتەنشە جاعداي ورىن العان جەردە تاعى دا بىرنەشە جارىلىس بولدى، دەپ حابارلادى شەتەلدىك ب ا ق.

«رنمين رى باۋ» گازەتىنىڭ جازۋىنشا، بىرنەشە جارىلىس جەرگىلىكتى ۋاقىت بويىنشا ساعات 11:40-تا ورىن العان.
ايتا كەتەرلىگى، ۋلى زاتتاردىڭ تارالۋ قاۋپىنە بايلانىستى بيلىك جەرگىلىكتى تۇرعىنداردى قاۋىپسىز جەرگە كوشىرە باستاعان بولاتىن. جارىلىس ورىن العان جەرگە حيميالىق قورعاش كيىمدەرىن كيگەن اسكەريلەر كەلىپ، ولار ءتىرى قالعان ادامداردى ىزدەۋ جۇمىستارىن جالعاستىرۋدا.
قازىرگى ۋاقىتتا جارىلىستان قازا تاپقانداردىڭ سانى 85 ادامعا جەتتى، ال جاراقات العانداردىڭ سانى 700 دەن اسىپ جىعىلادى. جارىلىس قۋاتى تروتيل ەكۆيۆالەنتىندە 3 جانە 21 توننانى، ال ءورت اۋماعى شامامەن 20 مىڭ شارشى مەتردى قۇراعان.
اۆتور: مارلان جيەمباي