06:16, 16 - تامىز 2015 | GMT +5
تۇركىمەنستان پرەزيدەنتى ەل استاناسىنىڭ باسشىسىن اۋىستىردى
استانا. قازاقپارات - تۇركىمەنستان پرەزيدەنتى گۋربانگۋلى بەردىمۇحامەدوۆ ەل استاناسى اشحابادتىڭ حاكىمى (قالا باسشىسى) رەدجەپ نۇرماممەدوۆتى قىزمەتىنەن بوساتتى،

دەپ حابارلايدى سەنبى كۇنى جەرگىلىكتى ب ا ق- قا سىلتەمە جاساعان ر ي ا نوۆوستي.
تۇركىمەنستان ۇكىمەتىنىڭ 2015 - جىلعى جەتى ايىنىڭ قورىتىندىلارىنا ارنالعان كەڭەيتىلگەن كەڭەستە اشحاباد باسشىسى قىزمەتىنەن بوساتىلدى. ەلدىڭ جوعارى باقىلاۋ پالاتاسىنىڭ تەكسەرىسى ناتيجەسىندە قالانى اباتتاندىرۋ جۇمىستارىنداعى كەمشىلىكتەر انىقتالعان.
نۇرماممەدوۆ 2013 - جىلدىڭ قاڭتار ايىنان باستاپ اشحاباد مەرى لاۋازىمىندا بولدى. تۇركىمەنستان پرەزيدەنتىنىڭ جارلىعىمەن ەل استاناسىنىڭ جاڭا اكىمى بولىپ بۇعان دەيىن اشحاباد اۋداندارىنىڭ ءبىرىن باسقارعان مىراتنياز ءابىلوۆ تاعايىندالدى.