07:26, 17 - تامىز 2015 | GMT +5
كاليفورنيادا ەكى جەكەمەنشىك ۇشاق سوقتىعىسىپ قالدى
استانا. قازاقپارات - كاليفورنيا اسپانىندا ەكى جەكەمەنشىك ۇشاقتىڭ سوقتىعىسۋى سالدارىنان 4 ادام كوز جۇمدى، دەپ حابارلايدى لەنتا. رۋ.

وقيعا جەكسەنبى كۇنى مەكسيكامەن شەكاراعا جاقىن سان- ديەگو ايماعىندا ورىن العان.
قوس موتورلى Sabreliner ۇشاعى مەن ءبىر موتورلى Cessna 172 سان- ديەگوداعى براۋن فيلد اۋەجايىنا قونۋ كەزىندە سوقتىعىسىپ قالعان. سوعىلعان ەكى ۇشاق جەرگە قۇلاپ، وت الا باستاعان.
اۋە اپاتىنان 4 ادام كوز جۇمدى. ۇشاقتاردىڭ ىشىندە بولعان ادامداردىڭ سانى انىقتالىپ جاتىر.
وقيعا ورنىنا كەلگەن ءورت سوندىرۋشىلەر جالىن العان ايماقتى 1 ساعات ىشىندە اۋىزدىقتاعان. ءورت ءسوندىرۋ كەزىندە ءبىر ادام زارداپ شەگىپ، اۋرۋحاناعا جاتقىزىلدى.