بالي ارالىندا اپاتقا ۇشىراعان قازاقستاندىق سپورتشىنى ەمدەتۋگە تۋىستارى قاراجات ىزدەستىرۋدە

استانا. قازاقپارات - تاۋ شاڭعىسى بويىنشا 32 جاستاعى قازاقستاندىق سپورت شەبەرى رۋسلان يسايەۆ يندونەزيالىق بالي ارالىندا دەمالىپ جاتقان كەزىندە جول اپاتىنا ۇشىرادى، دەپ حابارلايدى ك ت ك تەلەارناسى.
None
None

 ول بايك ءمىنىپ كەلە جاتىپ، موتوتسيكلمەن سوقتىعىسىپ قالعان.

رۋسلاندى ەمحاناعا جەرگىلىكتى تۇرعىن جەتكىزگەن. وقيعادان كەيىن ول بىرنەشە كۇن ەسىز جاتقان. دارىگەرلەر سپورتشىنىڭ ميى شايقالىپ، بەت سۇيەكتەرىنىڭ سىنعانىن انىقتاعانىمەن، وتا جاساۋعا اسىقپادى، سەبەبى، بۇل اۋرۋحانانىڭ قازاقستاندىقتىڭ ساقتاندىرۋ كومپانياسىمەن كەلىسىمى جوق ەدى. رۋسلاننىڭ دوستارى ونى باسقا ەمحاناعا اۋىستىرتىپ، 9 مىڭ دوللار كولەمىندە قاراجات تولەپ، وتا جاساتتى.

دارىگەرلەردىڭ ايتۋىنشا، جانساقتاۋ بولىمىندە جاتقان قازاقستاندىق سپورتشىنىڭ جاعدايى قازىر اۋىر، ەسى كىرەسىلى- شىعاسىلى. تۋعان- تۋىستارى ونى ەمدەتۋگە قاراجات ىزدەستىرۋدە.

بۇل وقيعانى ەلىمىزدىڭ ق ر سىرتقى ىستەر مينيسترلىگى ءجىتى باقىلاۋىنا الىپ وتىر.

سوڭعى جاڭالىقتار