حالىقارالىق ۆاليۋتالىق قورى قىتايداعى يۋان ديەۆالۆاتسياسىنا قاتىستى ساراپتاما قورىتىندىسىن جاريالادى

استانا. قازاقپارات - ق ح ر ۆاليۋتالىق نارىعىن رەفورمالاۋ باعىتىن جالعاستىراتىن بولسا، ەكى- ءۇش جىلدان كەيىن يۋاننىڭ قۇبىلمالى باعامىنا جەتەدى. بۇل تۋرالى حالىقارالىق ۆاليۋتالىق قورىنىڭ (ح ۆ ق) قىتايداعى ميسسيا باسشىسى ماركۋس رودلاۋەر مالىمدەدى.

قىتايداعى ميسسيا جۇمىسىنىڭ قورىتىندىلارىن شىعارعان رودلاۋەردىڭ ايتۋىنشا، قور قىزمەتكەرلەرى قىتايداعى ەكونوميكالىق احۋالعا ساراپتاما جاساعان. ح ۆ ق بولجامىنا سايكەس، ەلدىڭ 2015 - جىلعى ج ءى ءو ءوسىمى 6,8 پايىز، ال 2016 - جىلى 6,3 پايىز دەڭگەيىندە بولماق.

«ءبىز تۇتاستاي العاندا، قىتايدىڭ 2-3 جىلدىڭ ىشىندە ۆاليۋتانىڭ ءتيىمدى قۇبىلمالى باعامىنا قول جەتكىزە الاتىنىنا سەنەمىز»، - دەدى رودلاۋەر.

ەگەر ق ح ر رەفورمالاۋ باعىتىنان باس تارتسا، 2020 - جىلعا دەيىن ەكونوميكا ءوسىمى ج ءى ءو- ءنىڭ شامامەن 5 پايىزى دەڭگەيىنە دەيىن باسەڭدەيدى»، - دەلىنگەن ح ۆ ق جاساعان ساراپتامادا.

بۇعان دەيىن حالىقارالىق ۆاليۋتا قورى قىتاي ۇلتتىق بانكىنىڭ يۋاننىڭ ديەۆالۆاتسياسى تۋرالى شەشىمىن قولداعان بولاتىن.

 ق ح ر حالىق بانكى سەيسەنبى كۇنى يۋاننىڭ دوللارعا قاتىستى باعامىن 1,9 پايىزعا، سارسەنبى كۇنى - 1,62 پايىزعا، ال بەيسەنبىدە - تاعى 1,1, پايىزعا تومەندەتكەن.