كوپ ايەل الۋعا رۇقسات بەرىلدى

استانا. قازاقپارات - يندونەزيا قورعانىس مينيسترلىگى اسكەري قىزمەتكەرلەرگە كوپ ايەل الۋعا رۇقسات ەتتى. بۇل تۋرالى The Jakarta Post حابارلادى ras.kz.
None
None

مۇنى يندونەزيا قورعانىس مينيسترلىگىنىڭ باسپا ءسوز حاتشىسى، بريگادا گەنەرالى دجۋندان ەكو بينتورو ارنايى حاتپەن بەكىتىپ بەردى. الايدا ايەلدەرگە بىرنەشە كۇيەۋگە قاتار شىعۋعا تىيىم سالدى. ال كوپ ايەلدى ەر كىسى وتباسىلىق قارىم- قاتىناستا «ءادىل» بولاتىنى جونىندە جازباشا ۋادە بەرۋگە ءتيىس.

The Jakarta Post حابارلاعانداي، اتالمىش ەرەجە 2015 -جىلعى 22 -شىلدەدە ءوز كۇشىنە ەنگەن. قورعانىس ۆەدومستۆوسى باسپا ءسوز حاتشىسىنىڭ حاتىندا نەكەلەسۋ مەن اجىراسۋدىڭ بارلىق ءتارتىبى ەگجەي-تەگجەيلى جازىپ كورسەتىلگەن.

«ەركەكتەرگە بىرنەشە ايەل الۋعا رۇقسات ەتىلەدى، الايدا، ايەلدەرگە بىرنەشە كۇيەۋلى بولۋعا تىيىم سالىنادى»، دەپ جازادى باسىلىم.

 سونىمەن قاتار، قۇجاتتا ەر كىسىگە قاي كەزدە قوسىمشا ايەل الۋعا رۇقسات ەتىلەتىنى انىق اتاپ كورسەتىلگەن. ونىڭ باستى شارتى ەكىنشى ايەلگە يە بولۋ سول ادامنىڭ ۇستاناتىن ءدىنىنىڭ زاڭىنا قاراما-قايشى كەلمەۋى كەرەك.

سول سياقتى، ەكىنشى نەكەگە وتىرۋعا ايەلى ءوزىنىڭ جۇبايلىق مىندەتىن وتەي المايتىن، ايتارلىقتاي اۋىر ناۋقاسپەن اۋىراتىن نەمەسە مۇگەدەك بولىپ قالعان، بالا تۋۋعا جارامايتىن حالگە جەتسە عانا رۇقسات ەتىلەدى.

ەرەجەگە سايكەس، ەر كىسى ءوزىنىڭ ءبىرىنشى ايەلىنىڭ جازباشا كەلىسىمى مەن ەكىنشى جۇبايىن اسىراۋعا جەتكىلىكتى تابىسى بار ەكەنىن دالەلدەيتىن قۇجات تاپسىرۋى ءتيىس. ءوزىنىڭ تابىسىن ول سالىق دەكلاراتسياسى تۇرىندە كورسەتەدى. «ەگەر وسى ەرەجەنىڭ ءبىرى بۇزىلاتىن بولسا، ۆەدومستۆو تەكسەرۋ جۇمىسىن باستايدى»، دەدى گەنەرال.

سوڭعى جاڭالىقتار