پاۆلودارلىقتار قازاقپاراتتىڭ وبلىستىڭ الەۋمەتتىك- ەكونوميكالىق ءومىرى تۋرالى بەلسەندى اقپارات تاراتاتىنىنا رازى - ق. بوزىمبايەۆ

«وسى جىلدارداعى ءساتتى جۇمىس پەن بارشا ۇجىمىنىڭ تالاپتارىنىڭ ارقاسىندا « قازاقپارات» ح ا ا  ب ا ق نارىعىندا ءوزىنىڭ ورنىن بەكىتكەن باستى ءارى بەلگىلى ينتەرنەت- رەسۋرسقا اينالدى.

 مەن، قازاقپارات جاڭالىقتارىنىڭ وقىرمانى رەتىندە، بۇل ءوز كاسىبي ءىسىن ادال ورىندايتىن بارلىق ۇجىمنىڭ ەڭبەگى دەپ اتاپ وتكىم كەلەدى. ءسىزدىڭ اگەنتتىكتەرىڭىز ءوزىن وبەكتيۆتى جاڭالىقتى ۋاقىتىندا تاراتاتىن اقپارات جارشىسى رەتىندە كورسەتتى. پاۆلودار وبلىسىنىڭ تۇرعىندارى ءسىزدىڭ ۇجىمىڭىزعا حالىقتى ءبىزدىڭ وبلىسىمىزدىڭ الەۋمەتتىك- ەكونوميكالىق ءومىرى تۋرالى حاباردار ەتەتىنىنە ريزا. قازاقپارات الداعى ۋاقىتتا دا ون مىڭداعان وقىرماندار ءۇشىن بەدەلدى اقپارات كوزى بولىپ قالاتىنىنا سەنەمىن. سىزدەرگە بەرەكە مەن جاڭا شىعارماشىلىق جەتىستىكتەر تىلەيمىن!» - دەلىنگەن وبلىس اكىمىنىڭ قۇتتىقتاۋىندا.

***

            الماتى وبلىسىنىڭ اكىمى: « قازاقپارات» ح ا ا - جاقسى جاڭالىقتار جارشىسى

تالدىقورعان- استانا. قازاقپارات - الماتى وبلىسىنىڭ اكىمى « قازاقپارات» ح ا ا ۇجىمىن 95  جىلدىق مەرەيتويىمەن قۇتتىقتادى.

قۇرمەتتى « قازاقپارات» اگەنتتىگىنىڭ ۇجىمى!

بيىل ەلىمىزدىڭ ىرگەلى ۇجىمدارىنىڭ ءبىرى « قازاقپارات» اگەنتتىگىنىڭ قۇرىلعانىنا 95  جىل تولىپ وتىر.

الماتى وبلىسى اكىمدىگى جانە وبلىس تۇرعىندارى اتىنان سىزدەردى وسىناۋ مەرەيلى مەرەكەلەرىڭىزبەن شىن جۇرەكتەن قۇتتىقتايمىز!

وسى جىلدار ارالىعىندا سىزدەر ەلىمىزدىڭ ايناسىنا اينالىپ، جاقسى جاڭالىقتاردىڭ جارشىسى بولدىڭىزدار. بارشا جۇرتقا قاجەتتى اقپاراتتى جىلدام ءارى قىزىقتى ەتىپ جەتكىزۋ جولىندا سىزدەردىڭ ۇجىمدارىڭىز ءوزىنىڭ بارلىق شەبەرلىكتەرىن، ءبىلىمى مەن تاجىريبەسىن جۇمساپ، مەملەكەتىمىزدىڭ جان- جاقتى دامۋ ىرعاعىن، تىنىس- تىرشىلىگىندەگى سان قىرلى وقيعالاردى ءوز كورەرمەندەرى مەن وقىرماندارىنا ايشىقتى تىلمەن، ساپالى دا تەرەڭ تالداۋدان وتكەن جۇمىستارىمەن جەتكىزىپ كەلەدى.

وسىنشاما جىلدىق تاريحى بار، ءوز ءىسىن جەتە مەڭگەرگەن بىلىكتى ماماندارى بار كيەلى شاڭىراقتارىڭىز كەز كەلگەن ماقتاۋعا لايىقتى.

ەلەكتروندى اقپارات قۇرالدارى ۇلكەن قارقىنمەن دامىعان وسىناۋ زاماندا جاڭا وزگەرىستەرمەن بىتە قايناسىپ، ەگەمەن ەلىمىزدىڭ ەرتەڭى ءۇشىن جۇمىس جاساپ، تىڭ ويلارىڭىزبەن، جاڭا باستامالارىڭىزبەن، ءتۇرلى اقپاراتتى حالىققا جەتكىزۋگە دەگەن وزىندىك كوزقاراستارىڭىزبەن ءاربىر جاندى قۋانتا بەرىڭىزدەر.

سىزدەرگە جانە سىزدەردىڭ وتباسىلارىڭىزعا شىعارماشىلىق تابىس، تىڭ ىزدەنىس، بيىك جەتىستىكتەر مەن مىقتى دەنساۋلىق تىلەيمىن.

ىزگى نيەتپەن، الماتى وبلىسىنىڭ اكىمى ا. باتالوۆ»، - دەپ جازىلعان قۇتتىقتاۋ ماتىنىندە.

***

ن. ابدىبەكوۆ: قازاقپاراتتىڭ ارتىقشىلىعى - ناقتى، جەدەل جانە تولىق اقپاراتتى تاراتۋى

 قاراعاندى- استانا. قازاقپارات - قاراعاندى وبلىسىنىڭ اكىمى نۇرمۇحامبەت ابدىبەكوۆ « قازاقپارات» ح ا ا ۇجىمىن 95  جىلدىعىمەن قۇتتىقتادى.

قۇرمەتتى داۋرەن كەڭەس ۇلى!

ءسىزدى جانە ءسىز باسقاراتىن ۇجىمدى 95  جىلدىق مەرەيتويمەن قۇتتىقتايمىن!

قازتاگ جانە قازااگ اقپاراتتىق اگەنتتىكتەرىنىڭ قۇقىقتىق مۇراگەرى رەتىندە « قازاقپارات» جەكە اگەنتتىك رەتىندە قالىپتاستى. ونىڭ ارتىقشىلىعى - ەلدىڭ جانە ونىڭ وڭىرلەرىنىڭ الەۋمەتتىك- ەكونوميكالىق، قوعامدىق- ساياسي ءومىرى، ەلباسى ن. ءا. نازاربايەۆتىڭ باستاماسىمەن قۇرىلعان اۋقىمدى رەفورمالاردىڭ جۇزەگە اسۋى تۋرالى ناقتى، جەدەل جانە تولىق اقپاراتتى تاراتۋى.

سىزگە جانە شىعارماشىلىق ۇجىمىڭىزعا مىقتى دەنساۋلىق، باقىت پەن بەرەكە، جاۋاپتى ىستەرىڭىزدە جاڭا جەتىستىكتەر تىلەيمىن.

قۇرمەتپەن، قاراعاندى وبلىسىنىڭ اكىمى ن. ابدىبەكوۆ» ، - دەپ جازىلعان قۇتتىقتاۋدا.

***

ب ق و اكىمى « قازاقپارات» اگەنتتىگىنىڭ ۇجىمىن 95  جىلدىعىمەن قۇتتىقتادى

ورال- استانا. قازاقپارات - باتىس قازاقستان وبلىسىنىڭ اكىمى نۇرلان نوعايەۆ « قازاقپارات» ح ا ا ۇجىمىن 95  جىلدىق مەرەيتويمەن قۇتتىقتادى.

قۇرمەتتى داۋرەن كەڭەس ۇلى!

ءسىزدى جانە ءسىز ارقىلى ۇجىمدى حالىقارالىق « قازاقپارات» اگەنتتىگىنىڭ 95 - جىلدىق مەرەكەسىمەن شىن جۇرەكتەن قۇتتىقتايمىن!

بۇگىندە اگەنتتىك ەل جانە شەتەل جاڭالىقتارىمەن وقىرماندارىن تۇراقتى تۇردە سۋسىنداتىپ كەلەدى. سونىڭ ىشىندە باتىس قازاقستان وبلىسىمەن دە بايلانىس ورناتىپ، وڭىردەگى جىلت ەتكەن جاڭالىقتار مەن تولىمدى ماتەريالداردى بۇقارا حالىققا دەر كەزىندە جەتكىزۋدە.

حالىقتىڭ وي- ارمانى مەن ماقسات- مۇددەسى بيىگىنەن تابىلىپ جۇرگەن سىزدەرگە زور ريزاشىلىعىمدى بىلدىرەمىن.

يگى جاقسىلىقتار مەن ىزگى ىستەردىڭ جارشىسى ءھام جاناشىرى بولا بىلگەن اگەنتتىك ۇجىمى مەملەكەتىمىزدىڭ وڭ ءيميدجىن ورنىقتىرا بەرۋ ماقساتىندا ودان ءارى جۇمىس جاساي بەرەدى دەگەن سەنىمدەمىن.

ۇشقىر قالامدارىڭىزدان ۇتىمدى ويلار توگىلە بەرسىن، سىزدەرگە شالقار شابىت، شىعارماشىلىق تابىس تىلەيمىز. قاشان دا حالىقتىڭ وي- نيەتى مەن ارمان- ماقساتىنان شىعا بەرۋلەرىڭىزگە شىنايى تىلەكتەستىگىمدى بىلدىرەمىن.

 جازار تىڭ دۇنيەلەرىڭىز كوپ بولسىن!» دەپ جازىلعان قۇتتىقتاۋدا.