ق ر ق ك ا ق ك اۋە شابۋىلىنا قارسى قورعانىس اسكەرلەرى بەس زەنيتتىك-زىمىراندىق كەشەنىمەن تولىقتىرىلدى - فوتو

استانا. قازاقپارات - قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ اۋە شابۋىلىنا قارسى قورعانىس اسكەرلەرىنە اقىسىز نەگىزدە رەسەي فەدەراتسياسىنىڭ قورعانىس مينيسترلىگىنەن بەس س-300پ س قازىرگى زامانعى زەنيتتىك-زىمىراندىق كەشەن كەلىپ ءتۇستى.

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

كەشەن الماتى ماڭىنداعى «جەتىسۋ» ستانسياسىنا تەمىرجول كولىگىمەن جەتكىزىلدى. «س-300پ س زەنيتتىك-زىمىراندىق جۇيەلەر جاۋىنگەرلىك پراكتيكالىق وق اتۋلاردا سىنالادى جانە قازاقستان رەسپۋبليكاسىنىڭ اۋە كەڭىستىگىن تاسالاۋ بويىنشا جاۋىنگەرلىك كەزەكشىلىكتى اتقارۋ ءۇشىن قازاقستان رەسپۋبليكاسى قارۋلى كۇشتەرى ا ق ك اۋە شابۋىلىنا قارسى قورعانىس اسكەرلەرىنىڭ باعىنىستى اسكەري بولىمدەرىنە جاراقتاندىرىلۋعا بەرىلەتىن بولادى»، - دەدى ق ر ق ك ا ق ك اۋە شابۋىلىنا قارسى قورعانىس اسكەرلەرىنىڭ قولباسشىسى گەنەرال-مايور نۇرجان مۇقانوۆ.

س-300پ س زەنيتتىك-زىمىراندىق كەشەنى شاعىن تومەن ۇشاتىن نىسانالاردى جويۋ ءۇشىن ارنالعانىن اتاپ وتكەن ءجون. س-300پ س زەنيتتىك-زىمىراندىق جۇيەلەردى العاننان كەيىن اۋە شابۋىلىنا قارسى قورعانىس اسكەرلەرى قازاقستان رەسپۋبليكاسىنىڭ اۋە كەڭىستىگىن تاسالاۋ بويىنشا كۇزەت پەن قورعانىستىڭ قابىلەتتىلىگىن كۇشەيتەدى.