پروكۋرور: سەرىك احمەتوۆ بيلىكتىڭ حالىق الدىنداعى بەدەلىن ءتۇسىردى

پروكۋرورلار ءتورت ەپيزود بويىنشا ايىپ تاقتى، ونىڭ ىشىندە احمەتوۆتىڭ وتباسىنا تيەسىلى «ستال تسينك» كومپانياسىنىڭ مۇددەسىن ءوربىتۋ دە بار.

«احمەتوۆ باسەكەلەستىك تۋرالى زاڭدى بۇزدى، «ستال تسينك» ج ش س- نا قىزمەت كورسەتۋدە باسىمدىق قۇقىق بەردى، بۇل كاسىپورىنعا باسەكەلەستەرگە قاراعاندا ارتىقشىلىق بەردى جانە وسىعان ۇقساس قىزمەت كورسەتەتىن شارۋاشىلىق سۋبەكتىلەردىڭ كەمۋىنە جول بەردى»، -  دەپ پروكۋرور.

سونداي- اق، ول زاڭسىز ارەكەتتەر ج ش س- عا 28,4 ميلليون تەڭگە كولەمىندە پايدا اكەلگەنىن اتاپ ءوتتى.

«سونىمەن قوسا ابدىشەۆ، احمەتوۆ جانە جاكەنوۆتىڭ قىلمىستىق ارەكەتى قازاقستان حالقى الدىندا مەملەكەتتىك بيلىكتىڭ بەدەلىن ءتۇسىردى، سونداي- اق، مەملەكەتكە 95,9 ميلليون تەڭگە كولەمىندە شىعىن كەلتىردى»، - دەلىنگەن ايىپتاۋ اكتىندە.

سونىمەن بىرگە، سەرىك احمەتوۆ جانە وزگە دە قىزمەتتىك تۇلعالار مەملەكەتكە جالپى 1,128 ميلليارد تەڭگە كولەمىندە شىعىن كەلتىردى.

ەستەرىڭىزگە سالساق، قاراعاندىنىڭ بۇرىنعى اكىمى سەرىك احمەتوۆ التى جەمقورلىق قىلمىس جاسادى دەپ ايىپتالۋدا.

تەرگەۋ مالىمەتتەرىنە سايكەس، 2012 -جىلى قاراعاندى قالاسىنىڭ اكىمى بولا وتىرىپ، ول وزگە دە قىزمەتتىك تۇلعالارمەن ميللياردتان استام بيۋدجەت قاراجاتىن يەمدەنگەن.

كەيىن بەلگىلى بولعانداي، قورعاۋشى جاق ايىپتاردىڭ بارلىعىمەن تولىق كەلىسپەۋدە جانە سەرىك احمەتوۆتىڭ پايداسىنا دالەلدەر كەلتىردى.

دەرەككوز: Today.kz