لوندوندا ەكىنشى دۇنيەجۇزىلىك سوعىستان قالعان بومبا تابىلدى

سالماعى 250 كەلى تارتاتىن جارىلعىش زاتتى لوندوننىڭ سولتۇستىك شىعىس بولىگىندە جۇمىس جاساپ جاتقان مەردىگەر قۇرىلىس ۇيىمىنىڭ ماماندارى تاپتى، دەپ حابارلادى ت ا س س. پوليتسيا جاقىن جەردەگى اۋدانداردان 150 ادامدى قاۋىپسىز جەرگە شىعاردى، ولار Bethnal Green Academy ورتا مەكتەبىنىڭ اكت زالىندا تۇنەپ شىقتى.

«ءبىزدى بەتنال گرين اۋدانىنداعى قۇرىلىس الاڭىندا ەكىنشى دۇنيەجۇزىلىك سوعىسى كۇندەرىنىڭ جارىلماعان بومباسى تابىلعانى جونىندە ەسكەرتتى. بۇل جەر قورشاۋعا الىندى، جاياۋ جۇرگىنشىلەر مەن كولىك جۇرگىزۋشىلەرىنە وقيعا ورنىنا بارۋعا تىيىم سالىندى»، - دەدى اكىمشىلىك وكرۋگى باسقارماسىنىڭ رەسمي وكىلى تاۋەر حەملەتس.

ونىڭ سوزىنە قاراعاندا، بومبا تۋرالى اقپارات الىنعان سوڭ تەمپل-ستريتكە ساپەرلەر بريگاداسى مەن ءورت ساقشىلارى جونەلتىلدى. ءتارتىپ ساقشىلارى قالانىڭ التى كوشەسىندەگى قوزعالىستى توقتاتتى. بۇل لوندوندىق ىسكەرلىك سيتي اۋدانىنان سولتۇستىك شىعىسقا قاراي ورنالاسقان جەردە ابىر-سابىر مەن كولىك كەپتەلىسىنىڭ تۋىنداۋىنا سوقتىردى.