ۇشاق اپاتىنان «ءبىرىنشى ارنا» تەلەارناسىنىڭ قىزمەتكەرى وپات بولدى

«وقيعا سالدارىنان اجال قۇشقانداردىڭ باسىم بولىگىنىڭ جاسى 30 عا دا جەتپەگەن. سۋدان تابىلعان 8 ادامنىڭ مۇردەسى تانىلدى. ولاردىڭ ىشىندە ءبىرىنشى ارنا تەلەارناسىنىڭ قىزمەتكەرى ليزا حاكيموۆا دا بار. بيىلعى قازان ايىندا ول نەبارى 27 جاسقا تولار ەدى»، - دەپ حابارلادى تەلەارنادان.

ە. حاكيموۆا اقپاراتتىق قىزمەت پرويۋدسەرى رەتىندە قىزمەت ەتكەن.

ەستەرىڭىزگە سالا كەتەيىك، ماسكەۋ ماڭىندا گيدروپلان مەن Robinson تىكۇشاعى 8- تامىزدا ماسكەۋ ۋاقىتى بويىنشا ساعات 20:06 دا ءبىر-بىرىمەن سوقتىعىسىپ قالعان، سالدارىنان ەكەۋى دە سۋعا قۇلاعان. تىكۇشاق بورتىندا ءتورت ادام، ال ۇشاق بورتىندا بەس ادام بولعان.

تەرگەۋشىلەر اپات سەبەبىنىڭ ءبىر نۇسقاسى رەتىندە ۇشقىشتاردىڭ ءبىرىنىڭ قاتەلىگىن ايتىپ وتىر.