يران استاناسىن اۋىستىرۋى ىقتيمال

بۇدان بۇرىن، 2013 -جىلعى جەلتوقساندا ەلدىڭ پارلامەنتى اتالعان ماسەلەنى تالقىلاعان بولاتىن. سوندا 110 دەپۋتات استانانى كوشىرۋدى قولداسا، 97 ادام قارسى شىققان ەدى. الايدا، سول ۋاقىتتان بەرى بۇل ماسەلە قايتادان كوتەرىلمەي قالعان. يران سىرتقى ىستەر ءمينيسترى ابدولرەزا راحماني فازلي جۋرناليستەرگە 20 جىلدان بەرى ءسوز بولىپ كەلە جاتقان استانانى كوشىرۋ يدەياسىن پرەزيدەنت روۋحانيدىڭ قولدايتىنىن ايتتى.

«زاڭ شىعارۋشىلار استانانى تەگەراننان باسقا جەرگە كوشىرۋ جونىندەگى ۇسىنىستى قولدادى. ازىرگە جوبانىڭ قارجىلىق مۇمكىندىگى انىقتالعان جوق»، - دەدى راحماني فازلي. ال يراننىڭ پارلامەنت ىستەرى جونىندەگى ۆيتسە-پرەزيدەنتى مادجيد انساري بۇل يدەيانى ومىرشەڭ ەمەس دەپ ەسەپتەيدى. ول قارجىلاي قيىندىقتار سالدارىنان تەگەراننان بارلىق مەملەكەتتىك مەكەمەلەر مەن كوممەرتسيالىق ورتالىقتاردى كوشىرۋدىڭ مۇمكىن بولمايتىن العا تارتادى.

ايتا كەتەيىك، ءبىر وزىندە 8,3 ميلليون، اينالاسىندا 14 ميلليون حالىق تۇراتىن تەگەران ورتا شىعىستاعى ەڭ ءىرى قالا بولىپ تابىلادى، دەپ جازادى egemen.kz.