تاسقا اينالعان جۇمىرتقا

سونداي جادىگەرلەردىڭ الماتى وبلىسىنىڭ تالعار قالاسىنان تابىلۋى زاڭدى نارسە دەپ ايتۋعا بولادى. سەبەبى، تالعاردىڭ ورنالاسقان جەرى ەجەلگى تالحيز قالاسى بولعاندىعىن عالىمدار دالەلدەپ زەرتتەۋى تەگىن ەمەس.

ال قالانىڭ سىرتىنان ەجەلگى تاريحقا قاتىستى ءارتۇرلى بۇيىمدار تاۋىپ، ولجالارىن كوپپەن ءبولىسىپ جۇرگەندەر دە بار. سولاردىڭ ءبىرى -  تالدىبۇلاق اۋىلىنىڭ تۇرعىنى التىنبەك قونايەۆ. قاريا جاقىندا تالدىبۇلاق اۋىلىنىڭ جوعارعى جاعىنداعى شىمبۇلاقتان تاس جۇمىرتقا تاۋىپ الىپتى.

-  تاس جۇمىرتقا مەنىڭ ءۇشىنشى ولجام بولىپ وتىر. ءبىرىنشى ولجام بۇدان ءبىراز جىل رايىمبەك اۋدانىنداعى سارىتاۋدىڭ ءبىر سايىنداعى بۇلاق سۋىنان تاسقا اينالعان بالىق تاۋىپ، ونى ولكەتانۋ مۇراجايىنا وتكىزگەن ەدىم. ودان كەيىن وسى اۋىلدىڭ وزەنىنىڭ ارناسىنان تاسقا اينالعان باۋىردى تاپقانىم بار. ول كادىمگى قويدىڭ باۋىرىنان ەش وزگەشەلىگى جوق.

باۋىردىڭ ءبىر شەتى پىشاقپەن كەسكەندەي ورنى قالعانى انىق بايقالادى. ەگەر قويدىڭ باۋىرىمەن تاس باۋىردى قاتار قويىپ سالىستىرساق، ەكەۋى دە بىردەي. ال مىنا تاس جۇمىرتقا دا سوڭداي. قاراپايىم تاۋىقتىڭ جۇمىرتقاسىنان ايىرماشىلىعى- ءسال سوپاقتاۋ، قاۋىنعا ۇقسايدى. تاسقا اينالىپ كەتكەنى بولماسا، قۇستىڭ جۇمىرتقاسى ەكەنىنە ەشكىم داۋ ايتا المايدى. جۇمىرتقا باعزى زاماننان قالعان دۇنيە. سالماعىنىڭ اۋىرلاۋ بولۋى ونىڭ ۇزاق ۋاقىت جەر استىندا جاتۋىنان بولسا كەرەك، -  دەيدى قاريا.

ءبىز جۇمىرتقانىڭ سالماعىن ولشەپ كوردىك. 85 گرام، ۇزىندىعى - 6,5 سانتيمەتر، ال ديامەترى 9,8 سانتيمەتر بولدى. تاۋىقتىڭ جۇمىرتقاسىنان 20 گرام اۋىرلاۋ. تابىلعان جۇمىرتقا ءۇي قۇستارىنىكى ەمەس سياقتى. دالا قۇستارىنىڭ جۇمىرتقاسى بولۋى عاجاپ ەمەس.

«ايقىن»