دۇنيەجۇزىلىك ساۋدا ۇيىمى اياسىندا شاعىن بيزنەس ءبىرشاما وڭ ناتيجەلەرگە يە بولۋى مۇمكىن
بۇگىن ورتالىق كوممۋنيكاتسيالار قىزمەتىندە وتاندىق بيزنەستى دامىتۋ مەن قولداۋ تاقىرىبى بويىنشا وتكەن بريفينگتە «دامۋ» كاسىپكەرلىكتى دامىتۋ قورى» ا ق باسقارۋشى ديرەكتورى عابيت لەسبەكوۆ وسىنداي پىكىر ءبىلدىردى.
باسقارۋشى ديرەكتوردىڭ سوزىنە قاراعاندا، قوعامدا د س ۇ- عا ەنگەننەن شاعىن جانە ورتا كاسىپكەرلىك قۇردىمعا كەتەدى دەگەن پەسسيميستىك كوزقاراس بولماۋى ءتيىس.
«ارينە، بۇل رەتتە ەكسپورتتاۋشى كاسىپورىنداردىڭ باسىمدىقتا بولاتىنى انىق. ويتكەنى، ولار ءۇشىن حالىقارالىق ساۋدا ارەناسىندا وزدەرىنىڭ تاۋارلارىن كەدەرگىسىز شىعارىپ، حالىقارالىق سوتتار مەن قۇقىق قورعاۋ ۇيىمدارى ارقىلى ەرەجەلەرگە جۇگىنە وتىرىپ، وزدەرىنىڭ مۇمكىندىكتەرىن ارتتىرۋعا بولادى. سوسىن ەندى بيزنەستى قۇرىپ، ونى جۇرگىزۋ دە اشىق بولا تۇسەدى. سونىمەن قاتار، ەلىمىزدەگى شاعىن جانە ورتا بيزنەس سارالانعان سەكتوردا شەتەلدىك ينۆەستورلاردىڭ كەلۋى كۇتىلەدى»، - دەپ اتاپ ءوتتى عابيت لەسبەكوۆ.
ونىڭ سوزىنە قاراعاندا، شاعىن بيزنەس ءۇشىن د س ۇ- نىڭ وزىندىك وڭ ناتيجەلەرى بارشىلىق.
«ارينە، وكىنىشكە قاراي قازاقستاندىق بيزنەستىڭ ەكسپورتى سونشالىقتى كوپ ەمەس، الايدا مۇنداي اۋقىمدى نارىقتىڭ اشىلۋى ارقاسىندا وتاندىق بيزنەس رىنوكتىڭ مەيلىنشە كەڭ ەكەنىن سەزىنىپ، باسەكەلەستىكتىڭ قانداي بولاتىنىن انىق بايقاي الاتىن بولادى. بۇل ءبىر جاعىنان بيزنەستىڭ شىڭدالۋىنا دە سەپ بولماق»، - دەپ اتاپ ءوتتى ول.
اۆتور: قانات مامەتقازى ۇلى
