15:56, 06 - تامىز 2015 | GMT +5
استانادا حيروسيما مەن ناگاساكيگە تاستالعان اتوم بومباسى قۇرباندارىن ەسكە الدى - فوتو
استانا. قازاقپارات - استانادا «وتان انا» مونۋمەنتى الدىنداعى الاڭدا حيروسيما مەن ناگاساكيگە بومبا تاستالعانىنا 70 جىل وتكەنىنە ارنالعان شارا ءوتتى.
الاڭعا حيروسيما مەن ناگاساكيگە بومبا تاستاعاننان زارداپ شەككەندەردىڭ رۋحىنا تاعزىم ەتىپ، گۇل شوقتارىن قويۋ ءۇشىن استانالىقتار جينالدى.
شاراعا ق ر پارلامەنتى سەناتى مەن ءماجىلىسىنىڭ دەپۋتاتتارى، قازاقستان رەسپۋبليكاسىنداعى جاپونيانىڭ توتەنشە جانە وكىلەتتى ەلشىسى كاموحارا ماساەسي، سونىمەن قاتار بەلگىلى قوعام قايراتكەرلەرى قاتىستى.
«بيىل حيروسيما مەن ناگاساكيگە اتوم بومباسىنىڭ تاستالعانىنا 70 جىل. جاپونيا حالقى مۇنداي قايعىلى وقيعانى قايتالاماۋعا شاقىرادى. قازىر الەمدە 16 مىڭ يادرولىق قارۋ بار. بۇل بۇكىل ادامزاتتى جويىپ جىبەرۋگە جەتەتىندىكتەن، وتە قاۋىپتى»، - دەدى كاموحارا ماساەسي.
ق ر پارلامەنتى سەناتىنىڭ دەپۋتاتى ۆلاديمير رەدكوكاشيننىڭ سوزىنە قاراعاندا، بۇل جالعىز جاپون حالقى ءۇشىن عانا ەمەس، سونىمەن بىرگە بارلىق ادامزات ءۇشىن قايعىلى كۇن.
