جاس جۇبايلار توي كۇنىندە اجىراسىپ كەتتى
ودان بولەك، ەگدە جاستاعى ايەلدەردىڭ جاس جىگىتكە تۇرمىسقا شىعۋى دا كوپ كەزدەسۋدە. بۇل تۋرالى Today.kz كە سىلتەمە جاساپ NUR. KZ حابارلايدى.
قازاقستانداعى نەكەلەسۋ جاسى، و ق و- داعى ەڭ قىسقا مەرزىمدى نەكە جانە نەكەلەسۋگە قاتىستى وزگە دە ستاتيستيكالىق مالىمەتتەردى ادىلەت مينيسترلىگى مەن ستاتيستيكا كوميتەتى نازارلارىڭىزعا ۇسىنادى.
ۇ ە م ستاتيستيكا كوميتەتىنىڭ مالىمەتتەرىنە سايكەس، 2014 -جىلى قازاقستاندا ەر كىسىلەر اراسىندا نەكەنىڭ ەڭ وڭتايلى جاسى 25-29 جاس (57935 نەكە) بولسا، ايەلدەر 20-24 جاستا (73645 نەكە) تۇرمىسقا شىعۋدى ءجون كورگەن. بۇدان وزگە 500 نەكە زەينەتكەرلەر اراسىندا بولسا، 5 نەكەدە جۇبايلاردىڭ جاس ايىرماشىلىعى 40 جاسقا بارعان.
ايتا كەتەرلىگى، وڭتايلى نەكە جاسى قالا مەن اۋىلداردا ءارقالاي كەلەدى. ماسەلەن اۋىلدا 20-24 جاستا نەكە قۇرۋ دۇرىس دەپ سانالسا، قالالىقتار 25-29 جاستا نەكەلەسۋدى ءجون كورەدى.
قازاقستاندا 60 جاسقا كەلگەندەردىڭ نەكەلەسۋى دە سيرەك كورىنىس ەمەس. جاسى كەلگەن ەر ازاماتتار كوبىنە ءوز قاتارلاستارىنا ۇيلەنەتىن بولىپ شىقتى. 1354 قاريانىڭ 516 سى ءوز قۇرداستارىنا ۇيلەنگەن.
ال 2014 -جىلدا كامەلەتكە تولماعاندار اراسىنداعى ەڭ ەرتە نەكەلەر سانى 42 گە جەتكەن. ولاردىڭ 10 ى اۋىلدى ايماقتاردا بولعان.
ەلىمىزدە ەڭ قىسقا مەرزىمدى نەكە وڭتۇستىك قازاقستان وبلىسىندا تىركەلدى. جاس جۇبايلار نەكەلەسكەنىنە 24 ساعات بولماي جاتىپ، اجىراسۋعا ارىز بەرىپتى.
جاس ايىرماشىلىقتارى ۇلكەن جۇبايلارعا كەلەتىن بولساق، 18 جاسقا تولماعان قىزدارعا ۇيلەنەتىن ەر ازاماتتار كوبىنە 55-60 جاس ارالىعىندا. مۇنداي نەكەلەر كوبىنە قالالاردا كەزدەسەدى. ال اۋىلداردا كامەلەتكە تولماعان قىزداردى كەلىنشەك ەتەتىن ەر ازاماتتاردىڭ جاسى 39 دان اسپايدى.
قالالاردا ەگدە جاستاعى ايەلدەردىڭ كامەلەتكە تولماعان جەتكىنشەكتەرگە تۇرمىسقا شىعۋ جاعدايلارى دا بولعان. كوبىنە مۇنداي نەكەگە 45-49 جاستاعى ايەلدەر بارادى ەكەن (4 نەكە).
ال 40-44 جاستاعى ايەلدەر كەلەسى ورىنعا جايعاستى (2 نەكە). 35-39 جاستاعىلار دا قالىسقالماعان (2 نەكە). بۇدان وزگە 4 نەكەدە قالىڭدىقتىڭ جاسى 60 تا، ال كۇيەۋ جىگىتتىڭ جاسى 25-29 جاس ارالىعىندا.
2014 -جىلى بارلىعى 159328 نەكە قيىلىپ، ونىڭ 105172 قالالاردا، ال 54156 نەكە اۋىلدى ايماقتاردا بولعان.
Nur.kz
