وتاندىق تانىمال ادامدار بالالارىنا قانداي سيرەك ەسىمدەر قويادى؟

وتاندىق تانىمال وتباسىلار تەك ونەرى مەن قىزمەتىندە عانا ەمەس، وتباسىندا دا شىعارماشىلىق قيالعا ەرىك بەرەدى.

ولار ءوز بالالارىنا بارىنشا سيرەك كەزدەسەتىن ەرەكشە ەسىم بەرۋگە تىرىساتىنى دا عاجاپ ەمەس.

 بالالارىنا ەڭ ەرەكشە ەسىم قويعان وتاندىق تانىمال وتباسىلار ءتىزىمىن comode.kz-كە سىلتەمە جاساپ nur.kz ۇسىنادى.

ديزاينەر ءجاميلا دوسقازى - قىزىنىڭ ەسىمى اسسول

اسسول
«ول دۇنيەگە كەلگەندە، مەن ەسىمىن تاڭداۋ بارىسىندا ءۇنسىز وتىردىم. سەبەبى، ورتانشى ۇلىمىزعا ءبىز قازا بولعان اكەمنىڭ ەسىمىن بەردىك. ال قازاقتاردا بۇلاي ەتۋ بۇرىس سانالادى. مەنىڭ كۇيەۋىم قىزىمىزعا اسسول ەسىمىن بەردى. مەن قاتتى تاڭىرقاپ قالدىم. سەبەبى كۇيەۋىم رومانتيكادان اۋلاق پراگماتيكتەر قاتارىندا بولاتىن»، - دەپ اعىنان جارىلدى ديزاينەر.

«مەن ودان ناقتى ءارى تۇسىنىكتى پراگماتيكالىق ەسىم كۇتتىم. بۇگىندە قىزىمىز التى جاستا. وعان بۇل ەڭ تاڭداۋلى ەسىم بولىپ وتىر. «الىە پارۋسا» داستانىن مەن قىزىم تۋىلعاننان كەيىن ءبىر- اق وقىدىم. كۇيەۋىم وعان بۇل ەسىمدى ءومىرى شەكسىز سەنىمگە تولى بولسىن دەگەن نيەتپەن قويدى. سەبەبى اسسول ەسىمدى قىز شەكسىز سەنىمگە يە كەيىپكەر»، - دەيدى ءجاميلا.

ديزاينەر سالتانات بايمۇحامەدوۆا - ۇلى اتتيلا، قىزى جۋلەتت

 "مەن ءۇشىن ەڭ باستىسى - ادامگەرشىلىك. ولار ءۇشىن ۇلگى بولۋعا تىرىسامىن. مەن الەمدەگى ەڭ جايلى انا شىعارمىن. ءمىنسىز ەمەسپىن، ارينە باسىمدا ءوز تاراقاندارىم بار. كەي كەزدەرى ولاردى مەزى ەتەمىن، اسىرەسە ۇلىمدى. الايدا مەنىمەن بىرگە تۇرۋ ءۇشىن ايتارلىقتاي جايلىمىن. ەركىندىكتى سۇيەمىن. سوندىقتان بالالارىمنىڭ دا ەركىندىگىن شەكتەۋگە قۇقىعىم جوق دەپ سانايمىن"، - دەيدى سالتانات.

ءانشى ليدو - قىزى ريانا جانە ۇلى راحمان

«قىزىمدى ا ق ش- تا البوم جازۋ كەزىندە دۇنيەگە اكەلدىم. قازىر ريانادا امەريكالىق پاسپورت پەن جەكە social security number دەپ اتالاتىن ءنومىرى بار. سول سەبەپتى ەسىمىن باتىسقا ساي ەتىپ قويدىق. مۇسىلماندىق ۇلىگسى - رايحان. سولاي اتاي بەرسەڭىزدەر دە بولادى»، - دەيدى ليدو.

«راحمان - ماعان جاراتۋشىمىز سىيعا تارتقان بالا. قىزىمدى بوسانعاننان كەيىن مەندە دەنساۋلىقپەن قيىندىقتار تۋىندادى. ەكىنشى رەت جۇكتى بولۋ ءۇشىن كوپتەگەن گورمونالدى ءدارى- دارمەكتەر قابىلداۋعا ءتيىس بولاتىنمىن. الايدا راحمان قاشان دۇنيەگە كەلەتىنىن ءوزى شەشىپ، ءبىز ءۇشىن كۇتپەگەن سىيلىققا، قۇدايدىڭ بەرگەن سىيىنا اينالدى. مەن ونىڭ ۇل بولاتىنىن بىردەن سەزدىم»، - دەيدى ءانشى.

تەلەجۇرگىزۋشى قازىبەك قاسىم - قىزى ەسمانۇر

«ەسمانۇر ەسىمىنىڭ ءتۇپتامىرى ارابتار مەن تۇرىكتەردەن شىققان. اراب تىلىنەن - «ەڭ جوعارى جارىق»، ال تۇرىك تىلىنەن «ەسىمدەردىڭ ىشىندەگى ۇزدىگى» دەگەن ماعىنا بەرەدى. مەنىڭ قارىنداستارىمنىڭ ەسىمى اسەم مەن مارال، ال جارىمنىڭ ەسىمى - اينۇر. بايقاساڭىز، قىزىمنىڭ ەسىمى ماعان قىمبات ارۋلاردىڭ ەسىمدەرىنەن قۇرالعانداي كورىنەدى!»، - دەيدى قازىبەك.

دانا ورمانبايەۆا مەن ءداۋىت شايحيسلاموۆ - قىزى شارليز جانە ۇلى ديلان

«كەز كەلگەن جاستاعى بالالارمەن كەلىسىمگە كەلە الۋ - ولارمەن جىلى قارىم- قاتىناس ورناتۋدىڭ ءتيىمدى جولى دەپ سەنەمىن. بالالار قاشان دا بالا بولىپ قالا بەرمەسى انىق. مۇنى ءاۋ باستان ەستە ساقتاۋ كەرەك. مەن بالالارىما داۋىس كوتەرمەيمىن، ولارعا ءبارىن بايىپپەن تۇسىندىرۋگە تىرىسامىن. جالقاۋلىق، قورقاقتىق، ورىنسىز ۇرەيلەنۋ، ارامدىقتان اۋلاق بولۋلارىن تالاپ ەتەمىن. ايتەۋىر ونى ءجيى ەسكە سالىپ وتىرۋدىڭ قاجەتى جوق. بالالار - كۇيەۋىم ەكەۋىمىزگە ەڭ جاقىن دوس دەۋگە بولادى!»، - دەيدى ورمانبايەۆا.

ءانشى باقىت شادايەۆا - قىزى ۋرسۋلا جانە اليشا.

ۋرسۋلا
«قىزىما ەسىمدى كۇيەۋىمنىڭ اجەسى بەردى. تاۋلى التايلىقتاردىڭ تىلىنەن اۋدارعاندا «ۋرسۋلا» «تاۋدان اققان ءمولدىر، تازا سۋ» دەگەن ماعىنا بەرەدى. بۇل اتاۋ رەسەيدىڭ التاي ايماعىنداعى وزەنگە دە بەرىلگەن. ونىڭ ماڭىندا قىزىمنىڭ اجەسى مەن اتاسى تۇرادى»، - دەيدى ءانشى.

«اليشا ەسىمىنىڭ ءتۇپتامىرى اراب تىلىنەن شىققان. ءبىر نۇسقاسىندا «جالعىز، قايتالانبلاس» دەگەن ماعىنا بەرسە، ەكىنشىسىندە «يگى تىلەكتەر، كەشكى ناماز» دەگەن ماعىناعا يە. قىزىم كەشكى ناماز ۋاقىتىندا دۇنيەگە كەلگەن»، - دەپ ءتۇسىندىردى شادايەۆا.

«وردا» توبىنىڭ سوليسى ەربولات بەدەلحان - قىزى مەيىرلەن

«مەنىڭ ويىمشا، قىزدارعا ءداستۇرلى ەسىمدەر بەرگەن دۇرىس. ەسىم ادامنىڭ ومىرگە كەلگەن ساتىنەن ونىمەن بىرگە بولادى. مەنىڭ قىزىمنىڭ ەسىمى مەيىرلەن. «اياۋلى» دەگەن ماعىنا بەرەدى»، - دەيدى سوليست.

NUR. KZ