سەمەيدە «اباي» اتتى دەرەكتى فيلمنىڭ تۇساۋكەسەرى ءوتتى
قازاقتىڭ باس اقىنى تۋرالى رۋحاني- اعارتۋشىلىق باعىتتاعى ينتەرنەت- ەنتسيكلوپەديا پرەزيدەنتتىڭ باستاماسى بويىنشا نۇرسۇلتان نازاربايەۆقا بەرىلگەن «جىبەك جولى» الەمدىك سىيلىعىنىڭ قارجىسىنا ءتۇسىرىلدى. اتالعان فيلمدى «دارىن» جانە «سەرپەر» سىيلىقتارىنىڭ لاۋرەاتى اقبەرەن ەلگەزەك «Tengri Films» كينوكومپانياسىمەن بىرگە تۇسىرگەن. تاپسىرىس بەرۋشى - مەملەكەتتىك ءتىلدى دامىتۋ قورى.
سەناري اۆتورى اقبەرەن ەلگەزەكتىڭ ايتۋىنشا، دەرەكتى فيلمدە ۇلى اقىننىڭ ومىرىنە بايلانىستى تىڭ دەرەكتەر باياندالادى.
«دەرەكتى فيلمدى كورەرمەن جىلى قابىلدادى. ءبىر ايدىڭ كولەمىندە تۇسىرىلگەن بۇل فيلمدە، ابايتانۋشىلاردىڭ دەرەكتەرىنە سۇيەنىپ، اقىن ومىرىنە بايلانىستى ازىرگە دەيىن ەشقايدا جاريالانباعان تىڭ دەرەكتەردى ەكرانعا الىپ شىقتىق. بۇدان تىس، اقىننىڭ ولەڭدەرىن، فيلوسوفياسىن، قاراسوزدەرىن تالداۋعا تىرىستىق»، - دەيدى سەناري اۆتورى اقىن ا. ەلگەزەك.
