قىرعىزستان بۇگىننەن باستاپ ەۋرازيالىق ەكونوميكالىق وداقتىڭ تولىققاندى مۇشەسى اتانادى
بۇل تۋرالى ەەك باسپا ءسوز قىمەتىنىڭ حابارلاماسىندا ايتىلدى.
«6 -تامىزدا قىرعىزستاننىڭ ە ا ە و- عا قوسىلۋى تۋرالى شارت كۇشىنە ەنەدى. قىرعىزستان ارمەنيا، بەلارۋس، قازاقستان، رەسەيمەن قاتار ە ا ە و- نىڭ بەسىنشى تولىققاندى مۇشەسى اتانادى»، - دەلىنگەن حابارلامادا.
قىرعىزستان كەدەن وداعىنا قوسىلۋ تۋرالى شەشىمدى 2011 -جىلى كۇزدە قابىلداعان. ە ا ە و- عا كىرۋ تۋرالى شارتقا ماسكەۋدە 2014 -جىلعى جەلتوقساندا قول قويىلدى. 2015 -جىلعى مامىردا ماسكەۋدە تاراپتار وسى كەلىسىمنىڭ سوڭعى حاتتامالارىنا قول قويدى. قىرعىزستان ە ا ە و- عا كىرۋ ءۇشىن قاجەتتى بارلىق مەملەكەتىشىلىك راسىمدەردى مامىردىڭ اياعىندا اياقتاعان. شىلدەدە ە ا ە و- عا قاتىسۋشى بارلىق ەلدەردىڭ پارلامەنتتەرى قىرعىزستاننىڭ وداققا قوسىلۋى تۋرالى كەلىسىمدى راتيفيكاتسيالادى.
بەيسەنبىدە، قىرعىزستان ە ا ە و- نىڭ رەسمي مۇشەسى بولعان كەزدە قازاق- قىرعىز شەكاراسىنان كەدەن كۇزەتتەرى الىنىپ تاستالۋى ءتيىس. قازاقستان - قىرعىزستانمەن ورتاق شەكاراسى بار ە ا ە و- داعى جالعىز ەل.
