فرانسيا بيلىگى نەدەن الاڭدادى؟

الايدا مۇنداي قىزمەتكە كەز كەلگەن ادامنىڭ قابىلدانباسى انىق. ول ءۇشىن سىننان سۇرىنبەي ءوتۋ كەرەك. اسكەري قىزمەت تۋرالى ۇگىت- ناسيحات كينومەن قوسا، تەلەديدار، ءتىپتى الەۋمەتتىك جەلىلەر ارقىلى قارقىندى جۇرگىزىلىپ جاتىر.

ەل تىنىشتىعىن ساقتايتىن ساربازدار جەتىسپەيدى. قاڭتار ايىنداعى «شارلي ەبدو» باسىلىمىنىڭ رەداكتسياسىنا جاسالعان شابۋىلدان سوڭ، پوليتسەيلەر كوشە ءتارتىبىن ءجىتى قاداعالايتىن بولعان. 17 ادامنىڭ ءومىرىن جالماعان جان تۇرشىگەرلىك وقيعادان كەيىن ءدىني قاۋىمدار جينالاتىن جەرلەر قاتاڭ باقىلاۋعا الىناتىن بولدى.

جالپى فرانسيادا 2001 -جىلدان بەرى اسكەريلەر كەلىسىمشارت بويىنشا جۇمىس ىستەيدى. پاريج ىرگەسىندە ورنالاسقان ءبىر ورتالىقتا 17 مەن 39 جاس ارالىعىنداعى 30 ادام تەكسەرىستەن ءوتىپ جاتىر. كاسىبي اسكەريلەر 2 تاۋلىك بويى ولاردىڭ فيزيولوگيالىق دايىندىعى مەن پسيحيكالىق جاي- كۇيىن تەكسەرەدى.

فرەدەريك بلانشون، فرانسيانىڭ اسكەرگە شاقىرۋ قىزمەتىنىڭ باسشىسى:

- فرانسۋز اسكەرىنىڭ قىزمەتكەرلەرى ادەتتە اۋعانستان، ليۆيا سياقتى وتە قاۋىپتى ايماقتاردا بورىشىن وتەيدى. سوندىقتان بىزگە كەز كەلگەن جاعدايدا قىراعىلىق تانىتار ماماندار قاجەت. ەگەر قارۋ- جاراق سەنىمدى اقتاي المايتىن ادامدارعا ءوتىپ، ونىڭ ارتى جاعا ۇستاتارلىق جاعدايعا اكەپ سوقسا، فرانسۋز حالقى ءبىزدى ءومىرباقي كەشىرمەيدى.

گەنەرالدىڭ ايتۋىنشا، قازىر ەل اسكەرى قۇرامىندا ينجەنەر، مەحانيك جانە لينگۆيست سەكىلدى ماماندار جەتىسپەيدى. وسىنداي قىزمەتتەردىڭ بىرىنە قابىلداۋعا ءوتىنىش بەرگەندەردىڭ اراسىندا 19 جاستاعى ارمەل ەسىمدى بويجەتكەن دە بار.

ارمەل، فرانسيا اسكەري قىزمەتىنە ۇمىتكەر:

- قىستاعى شابۋىلدان كەيىن باتىلىراق بولا باستادىم. وتانىمدى قورعاۋعا ءوز ۇلەسىمدى قوسقىم كەلەدى. قيىندىق كوپ بولادى، ارينە. ءبىراق مەن ودان قورىقپايمىن.

فرانسۋز حالقى اراسىندا جۇرگىزىلگەن ساۋالناما بويىنشا، جەرگىلىكتى تۇرعىنداردىڭ 80 پايىزىنان استامى اسكەري قىزمەتتى قولدايتىنىن بىلدىرگەن. ال اتا- انالاردىڭ 42 پايىزى بالالارىنىڭ اسكەري قىزمەتكەر بولعانىن قالايتىنى ءمالىم بولدى.

www.24.kz