شەشەنستاندا ايەلدەرگە ارنالعان بيىكتىگى ءۇش مەتر دۋالمەن قورشالعان جاعاجاي اشىلدى
رەسپۋبليكا ۇكىمەتىنىڭ سايتىنان حابارلانىپ وتىرعانداي، بۇل جاعاجاي ايەلدەرگە ارنالعان "لاگۋنا" دەمالىس بازاسىنىڭ ءبىر بولىگى بولماق جانە وعان تەك ايەلدەر مەن 12 جاسقا دەيىنگى ۇل بالالار وتە الادى.
«بۇل ءدىني سەنىم- نانىمىنا قاراماستان ايەلدەر مەن بالالارعا ارنالعان دەمالىس ورنى. بۇل ايەلدەردىڭ شەكتەۋلى اۋماقتاعى پاتشالىعى دەسەك تە بولادى»، - دەپ سۋرەتتەيدى دەمالىس بازاسىن ونىڭ اكىمشىسى پەتيمات اعايەۆا.
ۇكىمەتتە اتاپ وتكەندەي، جاعاجايدا ەرەكشە قاۋىپسىزدىك شارالارى ساقتالعان: ول بيىكتىگى ءۇش مەترلىك دۋالمەن قورشالعان، بۇدان باسقا، جاعاجايدا ت ج م قۇتقارۋشى ايەلدەر بەكەتى جۇمىس ىستەيتىن بولادى.
«لاگۋنا» دەمالىس بازاسىندا ەرلەرگە ارنالعان جاعاجاي ايەلدەرگە ارنالعان دەمالۋ ورنىنان ءبىر شاقىرىم جەردە ورنالاسقان. حابارلانىپ وتىرعانداي، بولاشاقتا بۇل بازا «گروزنىي تەڭىزى» ساۋىقتىرۋ كەشەنىنىڭ ءبىر بولىگىنە اينالادى.
