د. تىلەۋبايەۆقا قاتىستى ءبىرىنشى ساتىداعى سوت ۇكىمى وزگەرىسسىز قالدىرىلدى

 ۇكىم بويىنشا د. تىلەۋبايەۆ 5 جىل مەرزىمگە باس بوستاندىعىنان ايىرىلىپ، جازاسىن جالپى رەجيمدەگى تۇزەۋ كولونياسىندا وتەيدى جانە ونىڭ مۇلكى تاركىلەندى. سونىمەن قاتار، ول ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى.

شەنەۋنىك شارۋا قوجالىعىنىڭ ديرەكتورىنان باعاسى 15 ميلليون تەڭگەنى قۇرايتىن ورمان اعاشىن، «كەلەشەكتە قامقورشى بولامىن» دەپ بوپسالاپ، مەيرامحانادا اقشالاي پارا الىپ جاتقان جەرىندە ۇستالدى.

قىلمىستىق ءىس ماتەريالدارىنا سۇيەنسەك، د. تىلەۋبايەۆتىڭ وتكەن جىلدىڭ قىركۇيەك ايىندا، «قامقورشى بولامىن» دەگەن جەلەۋمەن، كاسىپكەردەن مىڭ تەكشە مەتر ورمان اعاشىن قۇرىلىستىق قاجەتتىگىنە بەرۋدى تالاپ ەتكەن. شارۋا قوجالىعىنىڭ ديرەكتورى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنە شاعىمدانعان. ەكى كۇن وتكەن سوڭ كاسىپكەر د. تىلەۋبايەۆقا 5 ميلليون تەڭگەنى قۇرايتىن ارنايى بەلگىلەنگەن كۋپيۋرالاردى بەرگەن. اقشانى العان بويدا قارجى پوليتسياسىنىڭ قىزمەتكەرلەرى د. تىلەۋبايەۆتى تۇتقىنداعان.

سوتتا شەنەۋنىك، كاسىپكەردەن ورمان جابدىقتارىن تانىستارىنا الىپ بەرىپ، تاۋار قۇنىن ارتىنان تولەمەكشى بولعانىن مالىمدەگەن.

اۆتور: ن. نۋراحمەت