ماڭعىستاۋلىق قىلمىسكەر ءومىر بويى باس بوستاندىعىنان ايىرىلدى

قىلمىسكەردىڭ مۇلكى تولىعىمەن تاركىلەنىپ، قالعان عۇمىرىن ەرەكشە رەجيمدەگى تۇزەۋ كولونياسىندا وتكىزۋ تۋرالى ۇكىم شىقتى.

بۇدان بولەك، سوتتالۋشى عالىم ماقۇلبەكوۆ ساراپتاماعا جۇمسالعان 2 ميلليون تەڭگەگە جۋىق اقشانى مەملەكەتكە قايتارىپ بەرۋى ءتيىس. پەدوفيلدى ءولىم جازاسىنا كەسۋدى تالاپ ەتكەن ءبۇلدىرشىننىڭ تۋىسقاندارى سوت شەشىمىمەن تولىق كەلىسەتىندىكتەرىن ايتادى.

سوت وتىرىسى جابىق رەجيمدە ءوتتى. قايعىلى وقيعا وسىدان ءۇش اي بۇرىن سايوتەس اۋىلىندا بولعان. اۋلادا ويناپ جۇرگەن 8 جاستاعى فاريدانىڭ ءولى دەنەسى كەشقۇرىم كورشى ءۇيدىڭ سارايىنان تابىلادى.

قىلمىسكەر ءوز قوراسىندا ارام پيعىلىن ىسكە اسىرىپ قانا قويماي، بەيكۇنا ءسابيدى تۇنشىقتىرىپ ولتىرگەن. اشۋعا بۋلىققان اۋىل تۇرعىندارى ازعىندى ءىزىن سۋىتپاي ۇستايدى. 26 جاستاعى پەدوفيلدىڭ ءوزى دە 2 بالا تاربيەلەپ وتىرعان اكە. الايدا سوتتالۋشى جاساعان قىلمىسىن مويىنداعان جوق.

www.24.kz