ساۋد ارابياسى بەن لادەن وتباسى مۇشەلەرىنىڭ انگليادا بولعان اۋە اپاتىندا قازا تاپقانىن راستادى

بريتاندىق BBC تەلەراديوحابار تاراتۋ كورپوراتسياسىنىڭ اقپاراتىنشا، بۇل تۋرالى ساۋد ارابياسىنىڭ ۇلى بريتانياداعى ەلشىسى، حانزادا مۇحاممەد بەن ناۆاف ءال-ساۋد حابارلاعان.

«جوعارى مارتەبەلى مۇحاممەد بەن ناۆاف ءال-ساۋد مۇحاممەد بەن لادەننىڭ وتباسى مەن جاقىندارىنا ولاردىڭ وتباسى مۇشەلەرىن تاسىمالداعان اۋە كەمەسىنىڭ اپاتى سالدارىنان بولعان قايعىسىنا ورتاقتاسىپ، كوڭىل ايتتى»، - دەلىنگەن ەلشىلىكتىڭ Twitter الەۋمەتتىك جەلىسىندەگى پاراقشاسىندا.

ميلانعا اتتانعان Embraer Phenom 300 ۇشاعى ۇشقان سوڭ بىردەن اۆتوموبيلدەردى ساتۋ بويىنشا ءباسساۋدا كومپانياسىنىڭ اۋماعىندا قۇلاعان. قاتتى بيىكتىككە كوتەرىلمەي، قيسايا باستاعان، ودان كەيىن ۇشقىش اۋە كەمەسىن قوندىرۋعا ارەكەت جاسادى، ءبىراق ودان ەشتەڭە شىقپادى. ۇشاق تۇراققا قويىلعان كولىكتەردىڭ ۇستىنە قۇلادى. ۇشقىش پەن ءۇش جولاۋشى قازا تاپتى.

بۇعان دەيىن لوندوننىڭ Daily Mail گازەتى قۇنى 7 ميلليون فۋنت ستەرلينگ (شامامەن 11 ميلليون دوللار) بولعان ۇشاق ساۋد ارابياسىنان شىققان لاڭكەستىڭ وتباسى قاداعالاعان Salem Aviation كومپانياسىنىڭ يەلىگىندە بولعانىن حابارلادى.