سەرىك احمەتوۆ بيلىككە قالاي كەلدى؟

ەڭبەك جولىن 1975-جىلى قاراعاندى مەتاللۋرگيا كومبيناتىندا مەتالل جونۋشىنىڭ كومەكشىسى قىزمەتىنەن باستاعان. سوسىن قاراعاندى مەملەكەتتىك كومبيناتتا مەتالل جونۋشى بولىپ ەڭبەك ەتەدى.

1976-1978-جىلدارى اسكەرگە شاقىرىلىپ، وتان الدىنداعى بورىشىن وتەپ كەلەدى.

1985-جىلى قاراعاندى مەتاللۋرگيالىق كومبينات جانىنداعى جوعارى تەحنيكالىق وقۋ ورنىن ءتامامداپ، مەتاللۋرگ ينجەنەرى اتانادى.

1983-1990-جىلدارى پارتيالىق جانە كومسومولدىق ۇيىمداردا قىزمەت ەتىپ، قازاقستانداعى جاستاردىڭ لەنيندىك كوممۋنيستىك ۇيىمىنىڭ قاراعاندى بولىمشەسىنىڭ حاتشىسى قىزمەتىنە دەيىن كوتەرىلەدى.

1993-جىلى ورىس باسقارۋ اكادەمياسىندا اسپيرانتۋرانى اياقتاپ، ەكونوميكا عىلىمدارىنىڭ دوكتورى دارەجەسىنە يە بولادى.

كاسىپكەرلىكپەن اينالىسىپ، «كەڭ دالا» ورتاازيالىق تاۋار بيرجاسىنىڭ پرەزيدەنتى لاۋازىمىندا وتىرادى.

1998-2001-جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە ايماقتىق ۇيىمداستىرۋ جۇمىسى ءبولىمىنىڭ ينسپەكتورى.

2001-2003-جىلدارى - تەمىرتاۋ قالاسىنىڭ اكىمى.

2003-2004-جىلدارى - استانا قالاسى اكىمىنىڭ ءبىرىنشى ورىنباسارى.

2004-2005-جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ كادرلار ساياساتى مەن مەملەكەتتىك باقىلاۋ جانە ايماقتىق ۇيىمداستىرۋ جۇمىسى ءبولىمى ينسپەكسياسىنىڭ ءتوراعاسى.

2005-2006-جىلدارى -  قازاقستانداعى «اتامەكەن» جۇمىس بەرۋشىلەر مەن كاسىپكەرلەردىڭ قوعامدىق بىرلەستىگىنىڭ ءتوراعاسى.

2006-جىلدىڭ قىركۇيەگى مەن 2009-جىلدىڭ قاراشا ايى ارالىعى - قازاقستان رەسپۋبليكاسىنىڭ ترانسپورت جانە كوممۋنيكاتسيا ءمينيسترى.

2009-جىلدىڭ 3- ناۋرىزى كۇنى قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالادى.

2009-جىلدىڭ 19- تامىزىندا «قازاقستان ينجينيرينگ» ديرەكتورلار كەڭەسىنىڭ ءتوراعاسى قىزمەتىنە اۋىسادى.

2009-جىلدىڭ قاراشا ايىندا قاراعاندى وبلىسىنىڭ اكىمى قىزمەتىنە وتەدى.

2012-جىلدىڭ 20- قاڭتارىندا قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى قىزمەتىنە تاعايىندالادى.

2012-جىلدىڭ 24- قىركۇيەگى مەن 2014-جىلدىڭ 2- ءساۋىر ارالىعى - قازاقستان رەسپۋبليكاسىنىڭ پرەمەر-ءمينيسترى.

2014-جىلدىڭ 3- ءساۋىرى مەن 22- قازان ارالىعى - قازاقستان رەسپۋبليكاسىنىڭ قورعانىس ءمينيسترى.

2014-جىلدىڭ 19- قاراشاسىندا قاراعاندى وبلىسى، قازىبەك ءبي اۋدانىنىڭ سوتى احمەتوۆكە قارسى ءىس قوزعاپ، بىرەۋدىڭ قارجىسىن مەجەدەن تىس جۇمساعان نەمەسە مەنشىكتەگەن دەگەن ايىپ تاقتى. قازىر ءۇي قاماۋىنا الىنعان.

massaget.kz