ءۇندى مۇحيتىنان تابىلعان ۇشاقتىڭ بولىگى مالايزيالىق «بوينگتىڭ» سىنىعى بولۋى مۇمكىن دەگەن بولجام بار

بولجام بويىنشا، بۇل Malaysia Airlines كومپانياسىنىڭ كۋالا- لۋمپۋر- بەيجىڭ باعىتىندا 2014 -جىلى 8 -ناۋرىزدا ۇشىپ شىعىپ، ۇشتى- كۇيلى جوعالعان "بوينگ 777" ۇشاعىنىڭ سىنىعى.

فرانسيا بيلىگى ارال ماڭىن زەرتتەۋگە كىرىسكەنىن حابارلاعان. ايتا كەتەيىك، بۇل ارال فرانسيانىڭ جەرى بولىپ تابىلادى.

2 مەترلىك سىنىقتى تازالاۋشىلار تاۋىپ العان. ولار تەمىر بولىكتى بالدىر باسىپ قالعانىن ايتقان، بۇل ونىڭ سۋ استىندا كوپتەن بەرى جاتقانىن بىلدىرەدى.

ەستەرىڭىزگە سالا كەتەيىك، ۇشاق بورتىندا 239 ادام بولعان.