قىتاي عالىمدارى بالانىڭ سەمىرۋىنە قارسى كۇرەستىڭ جاڭا ءادىسىن ويلاپ تاپتى

استانا. قازاقپارات - قىتايدا عالىمدار بالالاردىڭ سەمىزدىگىمەن كۇرەسەتىن جاڭا ءادىس ازىرلەدى.

بۇل تۋرالى ت ا س س جازادى.

بۇگىن شاڭحاي، گۋانجوۋ جانە ۋحان سياقتى ءىرى قىتايلىق مەگاپوليستەر سياقتى جەتەكشى زەرتحانالار مەن مەديتسينالىق ورتالىق قىزمەتكەرلەرى كىرەتىن زەرتتەۋشىلەر توبى بالالاردىڭ سەمىرۋىنە باستى سەبەپتەردىڭ ءبىرى ىشەك ميكروفلوراسى تەڭگەرىمىنىڭ بۇزىلۋى بولىپ تابىلادى، دەپ حابارلادى «چاينا دەيلي» گازەتىنىڭ ەلەكتروندىق نۇسقاسى.

عالىمدار ەكسپەريمەنتكە قاتىسۋشىلاردى تۋا ءبىتتى سالماق اۋىتقۋشىلىعى بار جانە ونداي اۋىتقۋشىلىعى جوق ەكى توپقا ءبولدى.

بالاردىڭ بارلىعى ارنايى ديەتامەن تاماقتاندى: ولاردىڭ راتسيونىنا قالىپتى تاعامنان بولەك، ارنايى ىشەك باكتەرياسى قوسىلدى. باعدارلامانىڭ ەرەكشەلىگى ونىڭ مەرزىمىندە بولدى. اۋىتقۋشىلىعى جوق بالالار ءبىر اي، ال بۇلشىق ەت تولىسۋىنىڭ تومەندىگىنەن دەنە سالماعى ارتۋعا بەيىم پرادەرا-ۆيللي سيندرومى بار بالالار ديەتانى ءۇش اي ۇستادى.

زەرتتەۋ ناتيجەسى بويىنشا، ەكى جاق توپتىڭ دا تابەتتەرى تومەندەپ، سالماقتارى ازايىپ، جالپى دەنساۋلىقتارى جاقسارعان. عالىمدار مالىمدەگەندەي، وعان ولاردىڭ ىشەك ميكلوفلوراسى تەڭگەرىمىنىڭ قالپىنا كەلۋى سەبەپ بولعان. مامانداردىڭ پىكىرىنشە، ەكسپەريمەنت ناتيجەلەرىن كەلەشەكتە مەتابوليزم بۇزىلۋىن ەمدەۋ ادىستەرىن ازىرلەۋ ءۇشىن قولدانۋى مۇمكىن.