07:33, 29 - شىلدە 2015 | GMT +5
بۇگىننەن باستاپ ەلىمىزدە اۆتوبۋس بيلەتتەرى ەلەكتروندى جۇيە ارقىلى ساتىلادى
استانا. قازاقپارات - بۇدان بىلاي ەلىمىزدە قالاارالىق باعىتتاردا قاتىنايتىن اۆتوبۋس بيلەتتەرى ەلەكتروندىق جۇيەمەن ساتىلادى، دەپ حابارلايدى khabar.kz.
وتاندىق ماماندار ويلاپ تاپقان جاڭا جۇيە بۇگىننەن باستاپ ىسكە قوسىلادى. ازىرگە كومپانيامەن تەك استانا جانە وسكەمەن قالالارىنىڭ اۆتوۆوكزالدارى عانا كەلىسىم جاساسقان. ياعني وسى قالالاردىڭ جولاۋشىلارى ەلەكتروندى بيلەتتەردى ەندى ۇيدە وتىرىپ-اق اپارۋ-باس.kz.سايتى ارقىلى ساتىپ الا الادى.
بۇل جوبانى ىسكە اسىرۋ ءۇشىن «تەحنولوگيالاردى كوممەرتسيالاۋ ورتالىعى» 18 ميلليون تەڭگە گرانت بولگەن. جوبا اۆتورلارىنىڭ ايتۋىنشا، ەلەكتروندى جۇيە جولاۋشىلار ءۇشىن دە، تاسىمالداۋشىلار ءۇشىن دە ءتيىمدى. ويتكەنى وسى كۇنگە دەيىن اۆتوبۋس بيلەتتەرى تەك ساپارجاي كاسسالارىندا جانە ءبىر باعىتقا عانا ساتىلىپ كەلدى.
