جاڭا تۋعان نارەستەسىن الەۋمەتتىك جەلىدە تانىسقان قۇربىسىنا سىيعا تارتقان

استانا. قازاقپارات - رەسەيدىڭ نيجەگورود وبلىسىنىڭ تۇرعىنى ءوزىنىڭ جاڭا تۋعان ۇلىن الەۋمەتتىك جەلىدە تانىسقان قۇربىسىنا سىيلاعان.

24 جاستاعى جالعىز باستى انانىڭ ەكى بالاسى بار، ول بوگورود پەرزەنتحاناسىندا 2015 -جىلعى 22 -شىلدەدە ساپ- ساۋ ەر بالا تۋعان.

جۇكتى كەزىندە الەۋمەتتىك جەلىدە بالاسى جوق، نارەستەنى ارمانداپ جۇرگەن 22 جاستاعى ماسكەۋلىك ايەلمەن تانىسادى. تۋعاننان كەيىن كوكەك انا بالاسىنا ەشقانداي انىقتاما، قۇجات رەسىمدەمەي، ءجوندى تانىمايتىن ماسكەۋ تۇرعىنىنا بالاسىن بەرىپ جىبەرگەن.

اناسىنىڭ نارەستەسى بولماۋىنا بايلانىستى «كىسى ءولتىرۋ» بابى بويىنشا ءىس قوزعالدى. كەيىننەن ول شىندىقتى ايتىپ بەردى. بالا ماسكەۋدەن تابىلدى، قازىر ونىڭ ومىرىنە ەش قاۋىپ جوق.