ءۇندىستاننىڭ ەكس-پرەزيدەنتى ءدارىس وقىپ جاتقان كەزدە قايتىس بولدى
ءۇندىستان مەنەدجمەنت ينستيتۋتىندا ءدارىس وقىپ جاتقان كەزدە كالامنىڭ جۇرەك تالماسى ۇستاپ قالدى. بۇرىنعى مەملەكەت باسشىسىنىڭ قازاسىنا وراي، ەلدە جەتى كۇندىك ۇلتتىق قارالى كۇن جاريالاندى.
ابدۋل كالام 2002-2007 -جىلدار ارالىعىندا ءۇندىستان پرەزيدەنتى بولدى. احمادابادتا ءۇندىستان مەنەدجمەنتى ينستيتۋتىنىڭ، ءۇندىستاندىق يندورداعى مەنەدجمەنت ينستيتۋتىنىڭ شاقىرتىلعان پروفەسسورى، عارىش عىلىمى مەن تەحنولوگيالارى ينستيتۋتىنىڭ كانسلەرى، اننا ۋنيۆەرسيتەتىندە (چەنناي) اەروعارىش ينجەنەرياسىنىڭ پروفەسسورى، سونداي-اق ءۇندىستاننىڭ كوپتەگەن باسقا دا عىلىمي- زەرتتەۋ ينستيتۋتتارىندا شاقىرتىلعان وقىتۋشى مىندەتتەرىن اتقارعان.
ول ءۇندىستاننىڭ دامۋىنا قاتىستى ستراتەگيالىق كورەگەندىلىگىمەن تانىلدى، الەمدە دە وزىندىك ورنى بار. «ءۇندىستان-2020» كىتابىندا ەلدى تەحنولوگيالىق ۇستەم دەرجاۆاعا اينالدىرۋ باعدارلاماسىن ۇسىنعان.
