ديرەكتوردىڭ ەدەن جۋعانىنا سەنەسىز بە؟

استانا. قازاقپارات - مەكتەپ ديرەكتورى ەكى جىل بويى ەدەن جۋۋشىنىڭ جالاقىسىن الىپ وتىرعان.

شۇعىل ىزدەستىرۋ شارالارى ناتيجەسىندە شىمكەنتتەگى ماكسيم گوركي اتىنداعى №12 -مەكتەپ ديرەكتورى ي. كاديروۆا ۇستالدى.

ونىڭ ءوزىنىڭ قىزمەت بابىن پايدالانا وتىرىپ، مۇلىكتى يەمدەنۋ جانە تالان- تاراجعا سالۋ ماقساتىندا رەسمي قۇجاتتارعا كورىنەۋ جالعان مالىمەتتەردى ەنگىزىپ، سىبايلاس جەمقورلىق قۇقىقبۇزۋشىلىق جاساعانى انىقتالدى.

ناقتى ايتقاندا ي. كاديروۆا پايداكۇنەمدىك ماقساتپەن 2013 -جىلدىڭ قاڭتار ايىننان باستاپ اتالعان مەكتەپتە كىشى قىزمەت كورسەتۋشى قىزمەتكەردىڭ (ەدەن جۋۋشى) بوس ورنىنا ءوزىنىڭ تانىسى ح. دەگەن ازاماتشانى تىركەپ قويىپ، 2 جىل كولەمىندە ءوزى جالاقىنى الىپ وتىرعان. وسىلايشا كۇدىكتى مەملەكەتكە 855577 تەڭگە زالال تيگىزدى.

قازىرگى تاڭدا ي. كاديروۆا قاتىستى قىلمىستىق كودەكستىڭ 189-بابىنىڭ 2-بولىگى، 3 -تارماقشاسى جانە 369-باپتىڭ 1-بولىگى بويىنشا قىلمىستىق ءىس قوزعالدى. ءىس ەڭبەكشى اۋداندىق سوتىنا جولداندى.

اتاپ ءوتۋ كەرەك، قازىرگى ۋاقىتتا ي. كاديروۆا مەملەكەتكە كەلتىرگەن زالالدى تولىق وتەدى.

Otyrar-tv.kz