مەملەكەتتىك ساتىپ الۋلار سالاسىنا باقىلاۋ كۇشەيتىلمەك - ر. بەكەتايەۆ
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر قارجى ۆيتسە- ءمينيسترى رۋسلان بەكەتايەۆ ءمالىم ەتتى.
«كامەرالدىق باقىلاۋ تۇسىنىگىن ەنگىزۋ ارقىلى ءبىز مەملەكەتتىك ساتىپ الۋلار سايتىن ۇنەمى باقىلاۋدا ۇستاپ تۇرۋعا مۇمكىندىك الامىز. وندا ءجونسىز تالاپتاردى قويۋ، كونكۋرستىق قۇجاتتاردى بەلگىلى ءبىر كومپانيانىڭ مۇمكىندىكتەرىنە ساي شاقتاۋ فاكتىلەرى قاتاڭ شەكتەلەتىن بولادى»، - دەپ اتاپ ءوتتى ر. بەكەتايەۆ.
ونىڭ ايتۋىنشا، جەمقورلىق فاكتىلەرىنە بايلانىستى بۇل سالادا باقىلاۋ كۇشەيتىلەتىن بولادى.
«ارينە، قاتاڭداتۋ شارالارى بولادى. ءبىراق ماقساتىمىز ادامداردى جازالاۋ ەمەس، وسىنداي زاڭ بۇزۋشىلىقتاردىڭ الدىن الۋ، ولاردى ىسكە اسىرۋعا مۇمكىندىك بەرمەۋ. مەملەكەتتىك ساتىپ الۋلاردا جەمقورلىق فاكتىلەرى بارىن جاسىرمايمىز، ونداي ۇلكەن داۋلار بۇكىل الەمدە بار. ءبىز وزگە مەملەكەتتەردىڭ ۇزدىك تاجىريبەلەرىن قاراپ، وزىمىزدە ونى ەنگىزەتىن بولامىز. ءبىز مەملەكەتتىك ساتىپ الۋلار سالاسىنىڭ جۇمىسىن قانشالىقتى قاتاڭداتۋ مۇمكىن بولسا، سونشالىقتى قاتاڭداتا بەرمەكپىز»، - دەدى ول.
اۆتور: جاسۇلان جولدىبايەۆ
